شعرکوردی

یەكێك لەجوانترین شاكارەكانی بێخود كەبۆ پێغەمبەری نوسیوە

یەكێك لەجوانترین شاكارەكانی بێخود كەبۆ پێغەمبەری نوسیوە

لەو ڕۆژەوە  ڕۆیشتــووە  تۆراوە  دڵــی من

هەرچەند ئەگەڕێم بێ سەروشوێن ماوە دڵی من

ئــاخـــۆ بـە چ شاخێكەوە گیرساوە دڵی من

یــاخــــۆ بــە چ داخێكەوە سـوتـاوە دڵــی من

ئەو هەم دەمی غەمخوارو نەدیمی منە یـــاڕەب

ئـەو مەحڕەمـی ئەسرارو قەدیمی منە یـــاڕەب

ئەو گەوهەری شـەهـوارو یەتیمی منە یـــاڕەب

كـەوتـۆتــە چ بەحرێكەوە خنكاوە دڵـــی مــن

مەجنـونـی دوو گـێسـوی چ لەیلایەكە ئـــــاخــۆ

یا وامـیـقــی جـــادووی چ عەزرایەكە ئـــــاخــۆ

دێـــوانــەی  ئاهوی چ سەحرایەكە ئـــــاخــۆ 

كـــام چـیهــرە پەری دیــوە كـە ترساوە دڵی من 

ئەتلێتەوە گـاهـێ بەخـەیـــاڵی خەت و خاڵی

ئەخولێتەوە گـاهــێ بە چرای شەوقی جەماڵی

نـازانـی ئـەگەر چـۆنـە بەدەست دەردەوە حـاڵی

وەك پوش و پەڵاشێكە بەدەم بـاوە دڵـــی مــن

لەو چــۆڵــی بیابانە ئــەبــێ یاوەری كـــێ بێ

یا بـەو كە ژو كێوانەوە سـەودا سـەری كـێ بێ

یالەت لەت و ئەفگاری موژەی خەنجەری كێ بێ 

چۆن ماوە لەسەد لاوە كە كوژراوە دڵی من

بۆچی نەڕژێ سەیلی سروشكم وەكو باران

بۆچی وەكو یەعقوب نەبمە شوهرەی شاران

لەو یۆسفە  پرسیومە لە بێگانە و یاران 

هەر گیز نییە سۆراخی لەهیچ لاوە دڵی من 

بۆخۆی بگریم یا نەفەسی پەردە دڕاوی

یا بۆ جگەری كون كون و سەد پارە كراوی 

چی كردوە یاڕەب كە خەو و خواردن و ئاوی

دایم غەم و بێداری و خوێناوە دڵی من

 چ بكەم ، چ بڵێم ، بۆ دڵەكەم كارییە دەردم

شاهیدی منن مویی سپی و چیهرەیی زەردم

خۆڕایی نییە ناڵەی گەرم و دەمی سەردم

هەڵبەت  بە  بەڵایەكەوە  ئاڵاوە  دڵی  من 

ئەوسینە لە غەش خاڵییە، ئەو بێ ڕك و كینە

ئەو خادیمی شەرعی نەبەوی و میلەت و دینە

مەعلوم چووە بۆ خزمەتی سالاری مەدینە 

وام زانی كە فەوتاوە ، نەفەوتاوە دڵی من

قوربانی كەسێ بم كە قوربانی ( نەبی) بێ

وەك بەندە سەگی دەرگەهی شاهی عەربی بێ

شاهی عەربی یەعنی قوڕەیشی نەسەبی بی

جەرگی بە دوو ئەبرۆی ئەوە جنراوە دڵی من

زاتێكی وەهای گرتووە ڕۆحم بە فیدای ئەو 

شاهان شەو و ڕۆژ دێنەقەدەم بۆسی گەدای ئەو

بێخود مەبە  ئیتر بە ئومێد و بەتەمای  ئەو

نایەتەوە لات گەر سەری داناوە دڵی من.

ارسالی یکی از اعضای محترم

نمایش بیشتر

ســــۆزی میــــحڕاب

سایت ســــۆزی میــــحڕاب در آذرماه 1392 با همت جمعی از اهل قلم خوشنام و گمنام تاسیس شد ســــۆزی میــــحڕاب بدون جنجال و در اوج عملگرایی به ترویج مبانی میانه روی می پردازد ســــۆزی میــــحڕاب با هیچ جریان و هیچ احدی درگیری ندارد ســــۆزی میــــحڕاب رسالتی جز همزیستی و دگرپذیری ندارد

نوشته های مشابه

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

همچنین ببینید
بستن
دکمه بازگشت به بالا