‘ موناجات ‘
سـەری کوڕنۆش و بەندەگی و عەبدیم
نـزم و نـەوییــە، بـەس بۆ زاتــــی تۆ
دەستـی نیـاز و پێویستـی ژیــانم
درێـژ دەکەم، بـەس بۆ دەرگانەی تۆ
هــاوار و داد و فیـغــان و ڕۆڕۆم
دەردەبڕم بەهێز، بەس بەنـاوی تۆ
ڕزگاریـم لە دەس خەیـاڵـی نامـۆ
وەدەس دەهێنـم، بەس بە یادی تۆ
چــارەی نەداری و نەخۆشـی و دەردم
چـاوەڕوان دەکـەم، بەس لە قـاپـی تۆ
لەدەس ئەو چـەرخ و خـول و دەورانـە
بــــێ دەرەتـــانم، بــەس پـەنـاهــی تۆ
خوایـە ئەی کەسـی بـێ کەس و کەسـان
ئەوا بــێ کەسـم، بەس گــش کەسـی تۆ
‘ بابۆڵــی ‘ دڵتـەنگ بە دڵـی ڕەشــەوە
هیـوای بەهەشتـە، بەس بە لوتفـی تۆ
٭ هۆنــەر: بابۆڵـــی نەڵۆسـی