ئەی موحەممەد، ئوممەتت شادان و خەندانن هەمو
وا لە سایەی سوننەتت بێ دەرد و بێ ژانن هەمو
نوری میلادت بە جارێ عالەمی پڕنوور کرد
پشتی شەیتانی شکاند و ئوممەتی مسرور کرد
بڕبڕەی پشتی جەوان و لاوەکانی ئوممەتی
هاتی و دونیات بە نوری خوت چراخان کردوە
دەرد و ڕەنجی بێ کەسانت خشتە بڕ لابردوە
هاتی و سەد جار بە خێریی سەروەری پێغەمبەران
مەعدەنی سیدق و ئە مانەت، بەحری عیلمی بێکەران
هاتی و دونیات سەراسەر ڕه وشەن و ڕووناک کرد
زوڵم و زۆریت تێک شکاندو زوڵمەتت ژێر خاک کرد
دیدەکەم بۆ زیارەتی تۆ بێ وچان و دەرفەتم
ئەی فیدای دینی حەنیفت، ماڵ و گیان و سەروەتم
سەروەرم بۆ ئوممەتی خۆت وەک سەری و ئێمەش بەدەن
ئوممەتت ئامادەنە یەک یەک لە ڕێی تۆ گیان بدە ن
« عبدالرحمان سوبحانی »_ ئاوایی ئاسناوی _ شنو
