دل نوشتهکوردی

برسیایەتی !

“” بۆ برسیایەتی بەرۆکی مرۆڤ بەرنادا ؟! 

کۆمەڵگا لەچین و تۆیژی جۆراوجۆر پێک هاتوە ،هێندێک بەرز دەرواننە ژیان و هێندێک سروشتێکی سەرەڕۆیانەیان هەیە و تاقمێکیش بێ خەیاڵن و سەریان ناوەتە ناو کۆشی خۆیان.

ئینسان بۆ ڕزگاری لە مەرگ،خۆ بەئاو ئاگر دادەدا و هەوڵ دەدا کە خۆی و خێزانی بمێنن و نەکەونە بەر دەدانی تیژی مەرگ و نەمان.
ژیان و هەناسەکێشان، چەمکێکی مرۆڤن، لەپێناوی دا هەوڵدەدا ،شەڕدەکا،دەپچڕێنێ،زۆرجار کاری نامرۆڤانە دەکا.دەکووژێ، خوێن دەڕێژێ و دەچەوسێنێتەوە.
پێک هاتنی حکوومەتەکان لەبەر مانەوە و نەفەوتان پێک هاتوون جاهێندێک ڕەسمەی دەسەڵات بەرنادەن و زۆرێکیش بەدەستی خەڵک، دێنە سەر تەختی دەسەڵات.

کومەڵگا بۆێە ئاوساری ڤودرەتی لەئەستۆی حاکمان کرد هەتا بتوانن وەک دامەزراوە و یاسا
،بەکاروباری ئابووری و بەرژەوەندی وڵات ڕابگەن.
بەڵام بەدرێژایی مێژوو ،هەرتاقمێک کە هاتوونە سەرکورسی دەسەڵات و فەرمانڕەوایی، لەکەری شەیتان دانابەزن و بەجێی ناهێڵن. کاربەدەست گرتن هێندەشیرن و بەتامە بەدڵ و بەگیان و هێزی سەربازی، پارێزگاری لێدەکەن. سامان و دارایی و نامووس و شەڕەفی خەڵک،بە شەش دانگی مڵکی خۆیانی دەزانن.

زۆربەی تێهەڵچوونەکانی خەڵک و حکوومەتەکان، لەسەر ماڤ زەوت کردن و دەسەڵاتە..داگیرکردن و عەمبارکردنی خێرو بێری وڵاتان لەلایەن کاربەدەستان پەتای هەژاری و نەگبەتی و برسیایەتی بەدوو دایە هێندێک تێرو تەسەل و زۆربەش لەبرسان نیوەمردوو و ڕەق هەڵگەڕاون.
تەمەنی برسیایەتی گەلێ زۆرە شان بەشانی مێژوو پەلی کێشاوە.گەدەزلی وتێرنەخواردنی تاقمی کاربەدەست و دەورو بەریان، بێ بەشی زۆرینەی لێدەکەوێتەوە.

چڵپاوخۆری وزگ هەڵدڕاوی هێندێک مروڤی بێ ویژدان،دەبێته بێ بەشی و هەژاری زۆربەی مرۆڤی دەستکورت.کانزا ژێرخانیەکان و بازرگانی و بەشی ئابووری هێندە زورن کەبەشی ملێونەها ساڵی دیکەش دەبن.
بەگەشەکردنی پیشە سازی هێندەی دیش بەرهەم و پیت و بەرکەت بەسەر دونیادا ڕژاوە بەڵام کردەوەی تێر نەخۆرەکان وای کردوە کە زۆرینەی خەڵک لە خۆشی بێ بەشن.
لەزۆربەی وڵاتاندا تاقمی دەسەڵات و گیرڤان ئاوس و چاوچنۆک، دەستیان داوەتە یەک و قوڕگی ئاپۆرەی گەلیان گڕتوە و ژیانیان پێ ڕەوا نابینن.بەنێو ناتۆرەی جۆراو جۆر، لە هێڵی سووری سامان ودارایی و دەسەڵات، دووریان دەخەنەوە.

بەشێک لەهەژاران لەبەر بێ ئاگایی و نەزانین برسین و دەبێ یارمەتی بدرێن بەرەو خۆشی هەنگاو هەڵێنن چوونکە پشتیان چەمیوەتەوە..ئەرکی کاربەدەستانە کە بتوانن لەو زەلکاوە نەخوازراوە ڕزگاریانکەن.بەشێکیش لەلایەن دەوڵەمەندانەوە دەچەوسێنرێنەوە و بەشێکیش لەلایەن دەوڵەت و دام و دەزگا حکوومیەکانەوە هەلی ژیانی باشیان بۆ ناڕەخسێ.
بەلێکدانەوەیەکی ساویلکە بۆ مانای دەوڵەت و یاسا،هەرسێک ئەرکەکە کاری دەسەڵاتدارانە چوونکە ئەو باوکی گەلە و دەتوانێ بەیاسای ڕێک و پێک ، هاووڵاتی خۆی یاریدە بدا ژیانێکی خۆشیان بۆ بڕەخسێنێ. هەم خۆی مافی ژێر دەستانی زەوت نەکا هەم پێش بە دەوڵەمەند و کاربەدەستان بگرێ کەنەهێڵن دژی گەل بن .
دونیای ئەڕۆ لەسایەی ئینێرنێت وپیشەسازی و خێرایی هاتوو چۆ و ڕاکەیاندنەکان، هێندە بچووک و لێک نێزیکە کە گوندێکی بچکۆڵەی دەشوبهێنن.

تیشکی ڕۆشەنبیری لەسێبەری ڕاگەیاندنە گشتیەکان، کەلێن و قوژبنی تاریکی و تەڵەمی لەدونیادا نەهێشتوون و بۆتە هۆی چاوکراوەیی و زبرو زرینگی گەلانی جیهان.
جا ئەگەر چاوچنۆکی و چەوسانەوەی دەسەڵاتدارانی حکوومی وخاوەنانی پووڵ وپارە نەبێ کوا ڕەوایە لەو چاخە ڕەنگینە دا کەزانیاری و پیشەسازی سەروەرن هێشتا مۆتەکەی برسیایەتی دەبێ بەرۆکی مرۆڤ بگرێ و بەرەو تەلەسمی هەژاری و لێقەوماویان بەرێ؟
ئەی ئەرکی دامەزراوەکانی وەک ماڤی مرۆڤ و بەرابەری چیە؟بەچ پێوەرێک درووشمی قەڵەو پڕ بەزار بەرزدەکەنەوە و ئاڵای سەروەری هەڵدەدەن؟

زۆر جار قسەو وهەڵوێست و کردەوەکانیان دژایەتی پێکەوە هەیە.ئەگەر لەوڵاتێک کارێک بەپێچەوانەی بەرژەوەنی و کزی دارایی وگیرفانیان بێ زۆر بەخێرایی بەهێزی چەک و دانووسان ڕادەپەڕن و گورزی کارێگەر دەوەشێنن.
ئەی بۆ لەزۆربەی وڵاتان کە خەڵکی هەژار بەدەست کاربەدەستانیان دەناڵێنن و دونیایان لێ بۆتە دۆزەخ، خۆی تێهەڵناقوتێنن؟بە بیانووی دەست تێوەرنەدان لەکارو باری ناوخۆیی خۆی لێ گێل دەکەن و وەسەرخۆی ناهێنن.
بەهیوای ئەو ڕۆژەی برسیایەتی بارگەو بنەی خۆی لەناو مرۆڤ باربکا و بۆ هەمیشە نەگبەتی و نەگریسی بەرۆکی هەژاران و لێقەوماوان بەربدا.

ئەوە تەنیا ئامانج و خولیای سەرەکی زۆربەی پیاوان و ژنانی دڵسۆزو بەئەمەگ و مرۆڤ دۆستە کە لە گەلێک وڵاتانی ئازادی خوازی جیهان ،وەدی هاتوە .
هیوامان وایە پڕیشکی بەرابەری و تێرو تەسەلی و سەروەری، بپڕژێتە زۆربەی وڵاتانی هەژارو چەوساوەی دەستی دیکتاتۆڕەکان.
جەهانگیربابایی ـ سەردەشت

از طريق
جهانگیر بابایی
منبع
sozimihrab
برچسب ها

نوشته های مشابه

پاسخی بگذارید

نشانی ایمیل شما منتشر نخواهد شد.

لطفا نظرات خود را با حروف کوردی یا فارسی تایپ کنید
نظرات حاوی مطلب توهین آمیز یا بی احترامی به اشخاص ، عقاید دیگران، و مغایر با قوانین کشور منتشر نمی شود
نظرات پس از تائید منتشر می شود

همچنین ببینید

بستن
بستن