ادبیات

بـــه هـار

دوێ شه‌و بای شه‌ماڵ ده‌لای به‌یان دا

                                        شه‌به‌یخوونی دا به‌سه‌ر زریان دا
قۆشه‌نی به‌فر و سه‌رمای زستانی
                                     وه‌ک کاوه‌ی زوحاک به‌رهه‌ڵمه‌تان دا
به‌ره‌ی هه‌ژاری دڵخۆشی داوه‌
                                   موژده‌ی به‌هاری به‌ بولبولان دا
یاخودا هه‌ر خۆش بی وهه‌ر ببی به‌هار
                               هه‌میشه‌ زاڵ بی به‌سه‌ر زریان دا
تۆ به‌زه‌ وداد ومیهری یه‌زدانی
                            ڕه‌وایه‌ حوکمت به‌سه‌ر دڵان دا
خاکه‌لێوه‌که‌ت ئه‌و خاکی مردوو
                           ده‌ژیه‌نێته‌وه‌ به‌ ڕووی جیهان دا
له‌ دوای ناڵین و شریخه‌ی هه‌وران
                           بریسکه‌دان وڕنووپسان دا
له‌پاش باران وشڵێوه‌ی سێ شه‌ش
                         کۆلکه‌زێڕینه‌ی پاش بارانان دا
هه‌رگیایه‌ک له‌سه‌ر پنجی خۆی ده‌ڕوێ
                       گوڵ له‌سه‌ر گوڵ و خار له‌ خاران دا
شیرن له‌شیرن هی تاڵیش له‌ تاڵ
                       به‌هه‌شت و دۆزه‌خ له‌ته‌ک ئه‌وان دا
ئه‌ی خوای میهره‌بان ئه‌ی خاوه‌ن گوزه‌شت
                     خۆت ئه‌و په‌نده‌یه‌ت به‌ خافڵان دا
زیندووکردنه‌وه‌ و لێ پرسینه‌وه‌ت
                     هه‌مووبه‌هارێک به‌من نیشان دا
مه‌شهێڵه‌ شه‌یتان بمکاته‌ که‌کره‌
                     به‌فریوم به‌رێ له‌ڕێی نه‌مان دا
تۆبه‌ خودایه‌ هه‌زارجار تۆبه‌
                   له‌و کرده‌وانه‌ی ده‌گه‌ڵ تاوان دا
هه‌ربینا گیانم هاته‌وه‌ لای خۆت
                 بمخه‌ی له‌ کۆڕی لێخۆشبوان دا
ڕه‌وشتی تۆیه‌ له‌ گوناه بووردن
              ئه‌وه‌ت زۆر فه‌رموو خۆت ده‌قوڕئان دا
ڕێبوارت چاک وپاکی خۆش ویستوون
            جێگای بۆ وه‌که‌ی ده‌نێو ئه‌وان دا

ماموستا عبدالکریم رسولی (رێبوار)

یاسر سید عزیزی

نمایش بیشتر

ســــۆزی میــــحڕاب

سایت ســــۆزی میــــحڕاب در آذرماه 1392 با همت جمعی از اهل قلم خوشنام و گمنام تاسیس شد ســــۆزی میــــحڕاب بدون جنجال و در اوج عملگرایی به ترویج مبانی میانه روی می پردازد ســــۆزی میــــحڕاب با هیچ جریان و هیچ احدی درگیری ندارد ســــۆزی میــــحڕاب رسالتی جز همزیستی و دگرپذیری ندارد

نوشته های مشابه

دیدگاهتان را بنویسید

نشانی ایمیل شما منتشر نخواهد شد.

دکمه بازگشت به بالا
بستن
بستن