شعرکوردی

بۆ دوکتۆر موستەفا خوڕڕەم دڵ

دکتر خرم دل

دوکتۆر موستەفا خوڕڕەم دڵ
ڕوحی شاد بێ بەوێنەی گوڵ

دوکتۆر دروستە لەگڵ بوو
بەڵام بەڕاست وێنەی گوڵ بوو

گوڵی داری نێو باغی دین
نەک هەر بۆ دین بەڵکو بۆ ژین

دوکتۆر نمونەی هەتاو بوو
نووری دەدا هەتا مابوو

تەفسیری نووریشی دوای خۆی
ڕووناکی دەبەخشێ وەک خۆی

کەم ماڵ هەیەو کتێبی هەبێ
تەفسیرەکەی ئەوی نەبێ

تەفسیرێ زۆر پوخت و ئاسان
بۆ تێگەیشتن لە قوڕئان

قوڕئانێ کە نووری ڕێیە
بێ ئەو ڕێگا کوێرە ڕێیە

خۆ بەرهەمی هەر نوور نەبوو
“فی ظلال” یش کاری خۆی بوو

ئەوەی سەیید لە گەڵی ژییا
دوای خۆی دوکتۆر وەریگێرا

“اللە”ی سعید حەواش هەروا
پێشکێشی کرد کاک موستەفا

بۆ کتێبخانەی مسوڵمان
تا پتەوبێ ڕیشەی ئیمان

بۆ ڕاهێنانی گەنج و لاو
داینا کتێب بە تین و تاو

نوێژ فەرمانی خودای باریە
هۆی نەجات و ڕەستگاریە

فێری ببن گەنج و لاوان
بۆ وەی نەکەن هەڵەو تاوان

ئەویش هەر دوکتۆر بۆ نووسی
هەم بە کوردی هەم بە فارسی

دوکتۆر تەنها بۆ دین نەبوو
بەڵکوو پیاوی ڕێگای ژین بوو

نووسی ڕێنووسەکەی کوردی
سەلماندی پێمان بە وردی

دین و زمان دژ بەیەک نین
هەموو لایەک برای یەک بین

خۆی ماندوو کرد کێشای زەحمەت
داینا بۆ خۆی شنەی ڕەحمەت

تەفسیرێ دی بە زمان کوردی
خزمەتێک بوو دیسان کردی

تا دەریخا قوڕئان ناسە
لەو بوارەدا ، کارشوناسە

زۆرە کارو ئاسەواری
بڕێک دێمە سەر ئاکاری

وەک بیستومە با ئەخلاق بوو
خۆ کەمگر و زۆر چالاک بوو

دڵسۆز بوو بۆ هەموو کەسێ
جا بیناسێ یان نەیناسێ

ڕووی خۆشی بوو لەگەڵ دۆستان
لەگەڵ قوتابی و شاگردان

دۆستانی لا زۆر بەرێز بوو
بۆ کارو باریان بەهێز بوو

یاخوا دوکتۆر بەڕەحمەت بێ
بەهەشتی خوای بە قسمەت بێ

حەشر بکری لەگەڵ نەبی
ڕێگاو شوێنی قەت ون نەبێ

لە کوتایی دا سەرەخۆشی خۆم ئاڕاستەی بنەماڵە و سەرجەم دۆستان و یاران و قوتابیانی خودا لێخۆشبوو دکتۆر موستەفا خوڕڕەم دڵ دەکەم و داواکارم خۆدای گەورە بە بەهەشتی نەبڕاوەی خۆی شادی بکا .

” ئامین “

هۆنەر : یونس سلیمان زادە /ئاوایی قەڵاجۆغە

از طريق
یونس سلیمان زاده
منبع
http://sozimihrab.org/
برچسب ها
نمایش بیشتر

یونس سلیمان زاده

استان آذربایجان غربی- بوکان نویسنده و مترجم فعال و دعوتگر دینی

نوشته های مشابه

دیدگاهتان را بنویسید

نشانی ایمیل شما منتشر نخواهد شد.

دکمه بازگشت به بالا
بستن
بستن