ادبیاتداستان

بەسەرهاتێکی کاریگەر

لە دوای ئەوەی کە بەغدای پێتەختی خیلافەتی عەبباسی بە دەستی تاتارەکان ڕوخێندرا و داگیر کرا ، ڕۆژێکیان کچەکەی هۆلاکۆ کە لە شەقامەکانی بەغدا دا دەگەڕا چاوی بە کۆمەڵێکی زۆر لە خەڵک کەوت کە لە دەوری زانایەک کۆ ببونەوە ، بە سەر سوڕمانەوە پرسیاری کرد : ئەوە کێیە ؟

پێیان گوت یەکێ لە زانا موسوڵمانەکانە ، ئەمری کرد : دەستو لاقیم بە مەندیلەکەی بۆ ببەستن و بۆم بێنن ، ئەو کارەیان کرد و ئەو جار کچەکەی هۆلاکۆ لێی پرسی : تۆ یەکێک لە زانا موسوڵمانەکانی ؟
زاناکە وەڵامی دایەوە : بەڵێ ، کچەکە پێی گوت : خوا ئێمەی لە ئێوە خۆشتر دەوێت ، ئەوەتا ئێمەی بە سەر ئێوە دا سەر خست ، بۆ خۆشت دەزانی کە خودا فەرمویەتی : واللە یؤید بنصره من یشاء ، ـ خودا کێی پێ خۆش بێ یارمەتی دەدا و سەری دەخا ـ ، زاناکە پێی گوت : شوانی مەڕ دەناسی ؟

گوتی : بەڵێ هەمو کەس دەزانێ شوان بە کێ دەڵێن ، زانا گوتی : مەگەر مەڕەکان لەبەر دەستی شوانەکەیان دا نین ؟
گوتی : بەڵێ وایە ، زانا گوتی : دەزانی هەر شوانێک چەند دانە سەگیشی پێیە ؟
گوتی : بەڵێ
زانا لێی پرسی کاری ئەو سەگانە چییە ؟
گوتی : پاسەوانی مەڕەکان دەکەن و جاری واشە ئەو مەڕانەی لە شوانەکە دور بونەوە بۆی دەگێڕنەوە ، زاناکە گوتی : دەی حاڵی ئێمە و ئێوە وەکو ئەو مەڕو سەگانە وایە ، خوا ی بێ وێنە شوانەکەیە ، ئێمە مەڕەکانی خواین و ئێوەش سەگی خوان ، کاتێ ئێمە لە خوا دور کەوتینەوە و بێ ئەمری ئەومان کرد ، ئێوەی بە سەردا زاڵ کردین ، هەر کاتێکیش بگڕێینەوە لای خوا ، بۆ خۆی خراپەی ئێوەمان لێ دور دەکاتەوە !

بێ گومان ئەمڕۆ و دوێنێ زۆر وەکو یەک دەچن ، هەر ئەو بەسەرهاتە کۆنەیە ئەمڕۆکە بۆ موسوڵمانان دوبارە بۆتەوە ، خودای گەورە هێندێ سەگی بەسەر ئوممەتی پێغەمبەر دا زاڵ کردون و هەتا نەش گەڕێنەوە لای پەروەردگاری خۆیان لە دەستی ئەو سەگانە ڕزگاریان نابێت !

نوسەر : ئەدهەم شەڕقاوی
وەرگێڕ : ئومێد سولەیمانی ــ بانە

منبع
سوزی میحراب
برچسب ها

امید سلیمانی

# استان کردستان- بانه @@ فعال دینی و اجتماعی @@ نویسنده و مترجم

نوشته های مشابه

دیدگاهتان را بنویسید

نشانی ایمیل شما منتشر نخواهد شد.

لطفا نظرات خود را با حروف کوردی یا فارسی تایپ کنید
نظرات حاوی مطلب توهین آمیز یا بی احترامی به اشخاص ، عقاید دیگران، و مغایر با قوانین کشور منتشر نمی شود
نظرات پس از تائید منتشر می شود

همچنین ببینید

بستن
بستن