خبرها،نظرها

حەماسە و ئەوین چۆن دەخوڵقێن؟

ابراهیم و قربانی “” حەماسە و ئەوین چۆن دەخوڵقێن؟””

ژیانی مڕۆڤایەتی، نیازی بەهەوێنێکی چڕو پڕ و خۆشتام هەیە هەتا بتوانێ جوان بمەییی و قاڵب بگرێ.
تان و پۆی ژیان، لەمێژووی پچڕ پچڕو و داوی پس پس، پێک دێ و ئەوە تەنیا حەماسەیە کە پێکەوە گرێیان دەدا پەیکەرێکی جوان دەخوڵقێنێ،
ئیبراهیم و ئیسماعیل و هاجەرە،سێ نێوی کاریگەرن کە بەناو مێشکی مێژوودا ڕۆچوون و بوونە مۆمێکی ناو چیرۆکی ئەویندارانەو پڕلەجۆش و خرۆشی حەماسی.شوێنیەواری ئەو وشانە هێندە بەرچاوە کە لاپەڕەکانی تەوڕات و ئینجیل و قوڕئان و سەدان کتێب و نووسراوەی ڕەنگاندۆتەوە.
خوێندنەوە ئەو جۆرە چیڕۆکانە قەت تۆزی کۆنی و وەرەزیان بەسەردانایە چوونکە پڕن لە هەڵویستی مرۆڤ دۆستانە وئێحساس و سۆز.
تاوو توێی کردنی چیرۆک گەلی لەو بابەته جیاکردنەوەی مرۆڤ گەلی بەهێز و ترسەنۆکە، پڕلەسۆزو بێ عاتیفەیە.
قارەمانانی زۆربەی چیرۆکی عاشقانە و پاڵەوانەتی، گەنجانی بەشان و باهۆن کەکەس دەروەستیان نایە بەڵام چیرۆک ئیبڕاهیم بەپێچەوانە، دایک و باوکێکی پیر و پەکەوتە و وەجاغ کوێرن کە دوای چەنها ساڵ گۆچانی پیریان بۆ پەیدا بوە.
کاربەدەستانی حکوومی و دینی پێش ئیبراهیم، بۆ رەزامەندی خوا گەنج و لاوانی هەژارانیان دەکردە قوربانی ویان لەناو باوەشی گڕەپێچی ئاگریان داویشتن. بەڵام لەچیرۆکی ئیبڕاهیم ئەو رووداوە پێچەوانەیە و ئیبڕاهیم وەک پێغەمبەرو پێشەوا یەک دەبێ دەسپێشخەر بێ و جگەر گۆشەی خۆی سەر ببڕێ و داوای گەنجی خەڵک نەکا.
ڕێگای عاشقان و ئەویندارانی ڕاستەقینە ئاوایە هەرچی دەبێتە لەمپەری خۆشەویستی دەبێ بنبڕ بکرێ.
باوکی تەوحید گەلێک دەوڕەو وانەی تێپەڕ کردن.بەربەرەکانێ لەگەڵ نمروودی خۆپەسەن و تێکشانی خوابەردینە کان. هەر بەو بۆنەی لادان لە یاساکانی ئەودەم، لەناو گەرووی ئاگریان هاویشت.
بەڵام ئەزموونی کۆتایی کە سەربڕینی جگەر گۆشەکەی بوو گەورەتر لەوانە بوو هەتا ڕادەی خۆشەویستی ڕاستەقینەی خۆی بسەلمێنێ.
لە ناو زۆربەی چیرۆکەکانی حەماسی جیهاندا قارەمانەکان خاڵی لاوازیان هەیە کەدەبێتە هۆی شکەست هێنان و لەناو چوونی.
بەڵام ئیبڕاهیم زۆر بە پیاوانە وبەورەیەکی پۆڵایین بەرەو گۆڕەپانی شەڕ دەچێ وجارێک لمبۆزی دیکتاتۆڕی دونیا و جارێکیش ئی نەوس و دەروون لە خاک ڕادەماڵێ و بێ هیچ لاوازیێک ڕمبازێن دەکا و بێدەنگی شەڕ دەشکێنێ و سەرکەوتوانە دەگەڕێتەوە.
قوربانی هێماو وانەیەک بوو بۆ مرۆڤ ،کەنیشان بدا هەموو کەسێکی ناو کۆمەڵ بێ جیاوازی لەهەرجێگایەک بێ دەتوانێ بگاتە خوا .تەنیا لەخۆبردوویی دەوێ.
سەفەری ڕێگای عیرفان و خواناسی ڕاستەقینە، پێخۆرو بوخچەی پڕی دەوێ . تێکۆشان و لەخۆ بردوویی و رووڕاستی، بەشێک لەو پێخۆرە پێک دێنن.
دەبێ وێنەی ئیبڕاهیم قۆڵی هیممەت هەڵماڵین و لق و پۆ و چەقڵ وچاڵی سەرڕێگامان ڕاماڵین و ڕێگای دیداری یار، هەموار کەین و گەسکی لێدەین.
مرۆڤ هەموو ئیبڕاهیمن و خۆشیەکان و دڵ پێبەستراوەکانیش، ئیسماعیلن و چاڵ و قووڵ و لەمپەڕەکانیش، هاجەرەن.
شەرتی سەرکەوتن و تاقی کردنەوە، بوونە ئیبڕاهیمە و گرتنە دەستی بیوری باوەڕە و داگیرسانی گڕی حەماسەو سۆزو تێکوشانە.
هەرشتێک ڕێگری گەیشتن بە ئەوینەکەت بێ با ڕۆڵەشت بێ دەبێ سەر ببڕێ و لەسەر ڕێگا لاچێ.
ماڵ و مەقام و عیلم و دەسەڵات، نابێ ببنە پەرژینی ڕێگای عەشق،ئەگەر سەرنەبڕێن و نەکرێنە قوربانی بەپێچەوانە، ئەوان دەتکەنە دەسەچیلە و ئاوردووی خۆیان و بێ چرپە دەتکووژن.
وڵاتی کوردستانی ئازیز گەلێ پیاوی ئیبڕاهیم ئاسای بەخۆوە دیون کە هەرگیز بۆ پۆست و پلە و ماڵی دونیا، سەریان بۆ هیچ دیکتاتۆڕێک، دانەنواندوە هیوادارین ڕێگایان دەوامەی هەبێ.

سەردەشت ـ جەهانگیر بابایی.

از طريق
جهانگیر بابایی
منبع
sozimihrab
برچسب ها

نوشته های مشابه

پاسخی بگذارید

نشانی ایمیل شما منتشر نخواهد شد.

لطفا نظرات خود را با حروف کوردی یا فارسی تایپ کنید
نظرات حاوی مطلب توهین آمیز یا بی احترامی به اشخاص ، عقاید دیگران، و مغایر با قوانین کشور منتشر نمی شود
نظرات پس از تائید منتشر می شود

همچنین ببینید

بستن
بستن