دل نوشتهکوردی

ماڵاوا بەهاری قوڕئان!

ئەمساڵیش وەکوو ساڵان … لە گشت ماڵان … لە گەڵ پشکووتنی خونچەی گوڵان … ڕازاوەیی سروشتی ڕەنگین و جوان … لە کەل دەرکەوت خۆری پڕ نووری بەهاری قوڕئان … دوای ماوەیێک مانەوە لامان … بەخشینی گزنگی خۆر و نەرمە باران … بۆ سەر ناخی بڕواداران … ئاوا بوو هاتەوە جێژن و شادی ڕۆژوەوانان …

بەڵام خوشکم، برای دینیم! هەر وەکوو بەهار و سروەی سروشت … بارانی گیان گەشێن و زیندوکەری هەڵڕشت … تێراوی کرد کانی و ڕووبار … ڕازاندیەوە کێو و دەشت و لێڕەوار … دونیای ڕەنگاوڕەنگ کرد و خەمڵان … هیوای ڕواند لە ناخی وەرزێر و باخەوان … تا لە وەرزی هاوینی گەرم و بە تین … دوای خەلە و خەرمان و تێکۆشین … پشوو بدات لە ژێر سێبەری داری پۆڕ و پڕ گەڵای شین … بۆ وەرزی پاییز هەڵگرێ دەغڵ و دان و میوەی شیرین … لە زستان و بەستەڵەکا لێی وەحەسێ لە بن کوورەی گەرم و بە تین …
هەر ئاوەها ئەم بەهارەیش کە وەرزی بەندەگی و تەقوایە … با ڕۆژانی داهاتوومان وەڕازێنێ و بێتە مایە … تام و چێژی بە دەست هاتوو نەکەین زایە … لە گەردەنە و هەورازی ژین …

دەستمان بگرێ و هەتا لوتکە پیاسەرکەوین … بۆ باخی ڕۆژوو، نوێژ و دینمان بێتە پەرژین … با ببینە گزنگی خۆر و نەرمە‌بارانی بەهاری … ببارێینە سەر مەزرای ژینی دێهاتی و شاری … با ببینە داری بەردار … خێرمان هەبێ بۆ مرۆڤی دارا و نەدار … لابەین لە سەر ڕێی هەموویان ئێش و ئازار … با دڵەکان لە لای ئێمە پەڕەی گوڵ بن نەیشەمزێنین، نەیژاکێنین … وەک بلوور بن نەیڕووشێنین، نەیشکێنین …

ئەی خوای لێبوردە و لاوێنەر! داواکارین لە گەرمای سووتێنەری سارای مەحشەر … بە شەماڵی بەهاراوی لێوڕێژ لە خێر … لەو تەنگژە ڕزگارمان بێ و ڕێگە ببڕین بێ دەردی سەر … بخۆینەوە لە دەستانی پاکی سەروەر … ئاوی ساف و ساردی کەوسەر … بەهرەمەند بین لە نیعمەتی: “و رضوانُُ من الله ٲکبر” … آمین.

 احمد عباسی - بانە ـ بەرەجێژنانی ۱۴۴۰ کۆچی مانگی
از طريق
احمد عباسی
منبع
sozimihrab
برچسب ها

احمد عباسی

استان کردستان - بانه نویستده - مترجم - فعال دینی و اجتماعی

نوشته های مشابه

دیدگاهتان را بنویسید

نشانی ایمیل شما منتشر نخواهد شد.

لطفا نظرات خود را با حروف کوردی یا فارسی تایپ کنید
نظرات حاوی مطلب توهین آمیز یا بی احترامی به اشخاص ، عقاید دیگران، و مغایر با قوانین کشور منتشر نمی شود
نظرات پس از تائید منتشر می شود

همچنین ببینید

بستن
بستن