دل نوشتهکوردی

پێشەواکەم! یادت ئەکـەم …

“پارچە پەخشانێک بۆ یادی شەوڕەوی و بڵندبوونەوەی پێشەوای مرۆڤایەتی”

پێشەواکەم! .. نووری چاو و ڕێبەرەکەم! .. یادت ئەکەم .. ئەو کاتەی دوای چەند مانگ و ساڵ .. دوای ئازاری چەندین هاوڕێ و ڕژانی خوێنی سوور و ئاڵ .. دوای گەمارۆ و ئابڵۆقەی تاڵ .. ئەتدا لە دەرکەی ماڵ بە ماڵ .. بۆ وەی مرۆی خاوەن کەماڵ .. تا کرچ و کاڵ .. خاوەن دەعیە و فڕوفیشاڵ .. هەڵنەبژێرن تاریکیەکان .. بە گیان بکڕن تیشکی خۆر و ڕووناک بکەن دیدە و دڵیان ..
یادت ئەکەم، یادت ئەکەم …

ئەو کاتەی دوای کۆچی دوایی خەدیجە خانی هاوسەرت .. هاوبیر و هاوڕێ و هاوخەمت .. دوای کۆچی دوایی مامی گەورە و پشتیوانت .. نەیارانی دڵ پڕ لە قین .. شەمشەمە کوێرە و دوژمنانی ڕووناکی دین .. زیاتر لە جاران بۆیان دانای کەمین .. پێیان وابوو ئیتر ئەتوانن بشکێنن پەرژین .. باخی ساوا بێ‌ناز بکەن .. پەپوولەکان سەرگەردان و بڵاو بکەن ..
یادت ئەکەم، یادت ئەکەم …

ئا لەو کاتە هەستیارەدا .. ئا لەو شەوە نادیارەدا .. ئا لەو زوقم و بەستەڵەک و ئازارەدا .. خوای بە سۆز و زۆر کار بە جێ نەیدان هەدا .. دەستی بەستن و ناویان زڕا .. نەیان‌توانی بکوژێننەوە نووری هودا .. لە شەوێکی ئەنگوستەچاو .. بێ یارمەتی هاوڕێ‌یانی جەرگ سووتاو .. نەیارانیش نەیان توانی داینێن لە ڕێت هیچ تەڵە و داو .. خوای میوان دۆست و خاوەن ماڵ .. خاوەن کەماڵ .. ڕێکی خست بۆت ئا ئەو هەلە .. زۆر بە پەلە .. تا لە زەریای خواناسیدا بکەی مەلە .. پوختە ببی و نەکەی پەلە .. دوای چاوپێکەوتنێکی چڕ .. هاتیتەوە بە دەستی پڕ .. زیاتر لە جاران هیوادار و بە تین و گوڕ ..
یادت ئەکەم هیوای ژینم! یادت ئەکەم …

بەڵام خوشکم برای دینیم! گەر دمانهەوێ ڕابین .. چاوساخی خەڵک و ئازا بین .. دوور لە هەوا و ڕوو لە خوا بین .. هەرگیز سەرمان نەکەن نەوی .. ئەبێ بکەین شەونخوونی و شەوڕەوی .. تا سەرکەوین و سەربڵند .. ڕێکی بکەین گشت کەند و لەند .. تا بڕوێنین باخ و زەمەند .. بەرز بکەین سەری ڕێبەر .. وەجاخی ڕوون و پڕ خێر و فەڕ .. چاو و دڵمان زاخاو بدەین بە دیداری ڕۆژی مەحشەر ..
یادت ئەکەم پێشەوای ژین! یادت ئەکەم …

ئەحمەد عەبباسی ـــ بانە ـ ۳ خاکەلێوەی ۲۷۲۰

برچسب ها

ئەحمەد عەبباسی

استان کردستان - بانه نویستده - مترجم - فعال دینی و اجتماعی

نوشته های مشابه

پاسخی بگذارید

نشانی ایمیل شما منتشر نخواهد شد.

لطفا نظرات خود را با حروف کوردی یا فارسی تایپ کنید
نظرات حاوی مطلب توهین آمیز یا بی احترامی به اشخاص ، عقاید دیگران، و مغایر با قوانین کشور منتشر نمی شود
نظرات پس از تائید منتشر می شود
بستن