ادبیاتدل نوشته

چەندە بەختـــەوەرم

بەختــەوەرم کە گەیشتم بە مانگی خەمتاوێن و گوناهتارێن
گەیشتـم بە مانگی ڕەحمەت بارێن
بەختــەوەرم گەیشتم بە بەرامەی بەهەشتی خوایی
بە دەنگی سێحراوی سەڵا
بە داوێن و دەشتی دڵۆڤانی
بە خوناوکەی ئەسرینی پەشیمانی


خویساری تاوان دەمێک بوو لە کەشی باوەڕم دا پرووشەی دەکرد و چەق و چۆی گوناە لەشمی داگرتبوو
پەنجەی سڕم هانای ببربۆە بەر هەناسەی هەڵماوی هەلماڵاوی هەناوم و نیگای ویشکم لە ئاسمان خزیبو لە وێ دا قەتیس مابۆوە
کە دەرکەوت هیڵالی گەشی مانگ چاوەکانم خەرمانەیان دا لە دەوەرەی و چەشنی پەرجوویەک بۆ هەستی پاپەتیم بۆ پچڕانی خەونی پڕژ و پژگاڵی پوچ.


کاتێ دەستەکانم سەرقاڵی داپڕسکانی نزا و داڕژانی هات و هاوار بوون و ئازاری زامەکانی بە نزا دادەمرکاند و بە داوێنی دوعا دانووسابوو چ بێ هیوا هەناسەی لە گەرووی هەڵدەقوڵی و هەڵمەتیان بۆ سینە دێنا و ڕێچکە ڕێچکە ئەسرینم بێ ئامانج ڕێیان دەپێوا بۆ مەڵبەندێکی نادیاری غەریب.


بەڵام ئێستا سەبووری سارای سینەمی داگرتوو چارۆکی دڵنیاییم بە سەر شان داهێنا و وەڕێ کەوتووم
سبەینان و ئێۆاران سنورەکان ئەویندارانە دەپێوم و کوڵ و کۆ و سۆی دڵ لە مەنزڵگای دڵدار دەتەکێنم و دەسرەوم
لە هەر دوو چاوم شەمی شادومانی شەبەق دەدا و داگیرساوە ڕوخسارم دەگەشێتەوەو ناخ ڕووناک دەکا و مانگی هیوای منیش هەڵدێ و ڕۆحی ڕزۆکم لە تاریکایی شەوگاری درێژ ڕزگار دەکەم و بە ڕوومەتی سوور بەرەو ڕێژوانی رب الاعالمین وەڕێ دەکەوم.

شەیــدا مەحمـودی شنۆ

از طريق
شیدا محمودی
منبع
sozimihrab
برچسب ها

شیدا محمودی

@ استان آذربایجان غربی - اشنویه @@ نویسنده ، شاعر و مترجم @ فعال مدنی و اجتماعی

نوشته های مشابه

پاسخی بگذارید

نشانی ایمیل شما منتشر نخواهد شد.

لطفا نظرات خود را با حروف کوردی یا فارسی تایپ کنید
نظرات حاوی مطلب توهین آمیز یا بی احترامی به اشخاص ، عقاید دیگران، و مغایر با قوانین کشور منتشر نمی شود
نظرات پس از تائید منتشر می شود

همچنین ببینید

بستن
بستن