شعرکوردی

چ ژینێکە …

‍ چ ژینێکە بەرق داچوم لە رەوتی نابەسامانی
مرۆڤ دۆرا به پارە و پوڵ بە جلک و مڵک و سامانی

هەمو کارێ دەکەن ئێستێ کە بۆ دونیا بێ دەسکەوتی
نەوس خۆی بۆتە سەرکردە بەجێ دێ ئەمر و فەرمانی

دەڵێن مرد هەست و ناخ و سۆز رەواڵەت کفن و دفنی کرد
تەماح تەڵقینی داداوە و درۆ دەیکرد گڵووبانی

لە شار و دێی جیهانی نوێ مرۆڤی لێی بەدی ناکرێ
کە خۆنواندن بە چاک دەرچو شەرافەت بو بە قوربانی

بە پێشکەوتن مڕۆ دەخوڕێ کەچی هەردەم بەرەو پاشە
ژیانی جوان رازاوە و لە ناخا روو لە وێرانی

سەدەی بیستەم سەدەی جەنگ و هەرا و گێژاو و ئاژاوە
سەدان میلیون کەسی خستە هەژان و مەرگ و بێ نانی

گەشەی هەستاند بە دیل گرتن بە بۆنەی عیلم و زانیاری
بە بیرۆکەی مرۆڤی ژیر بە بیر و فام و لێزانی

مرۆی ئێستا نەەوس تینو لە سەر ئەو ویشکە چاڵاوە
بە یێک خەندەی هەموی دانا ئەوین و هەست و هەرمانی

دڵی خۆشە مرۆ ئێستا کە دونیای وا لە دەست دایە
ژیانی دا به تاریکی لە پێناو چار و دەرمانی

ئینسان ساویلکەیە بۆیە دڵی داوە بە دۆی کاتی
نەزانە بۆتە یاریچەی فریوی نەوس و شەیتانی

هەزاران خۆزگە زانیبای کە دونیا بێ بەقا و گردە
لەگەڵ هیچ کەس هەتاکوو سەر نەماوە شەرەت و پەیمانی

مهندس محمد فتحی نژاد ـ چیا

از طريق
محمد فتحی نژاد
منبع
http://sozimihrab.org/
برچسب ها
نمایش بیشتر

محمد فتحی نژاد

استان آذربایجان غربی - مهاباد نویسنده و شاعر

نوشته های مشابه

دیدگاهتان را بنویسید

نشانی ایمیل شما منتشر نخواهد شد.

همچنین ببینید
بستن
دکمه بازگشت به بالا
بستن
بستن