ادب،هنر

‍ دێوه زناو…(شیعر هه ورامی)

ماچا دێوه زناو قەڐیم شار بیه ن
سە و بیس یانه ش دووکان دار بیه ن

گرد جاریه ئه ڐام ئی شێعرێ وانێ
مانا و مه فهومش ڕێک و پێک زانێ

واچێ شه یما گیان،دێوه زناو وه شه ن
پەڕ جه ئاو و تاف ، توه ن و که شه ن

دیمه نی وه شش پەڕ جه خه یاڵە ن
دووره نا چه نه ش، ساڵە های ساڵه ن

ئەڐای ئازیزم جه وه ته ن دووره ن
کۆی به رزی شاهۆ، پەیشا سنووره ن

ئی دیم دووریسان، ئه و دیم دێوه زناو
که وتێنه به ینشا هه م که ش و هه م ئاو

هه ردوه پێوه ره ، په ی من وه شێنێ
هه ردوه پەڕ ئاو و پەڕ جه که شێنێ

واچێ , دێوەزناو!: ئەی به هه شت و من
“ته ڵۆکسان” ، “که مگا” ” گێجه” و “هه شت و من”

“که لوو سوچه ڕی” و “که لوو وه رگیری”
ماچووشا په ی تۆ ،یاڐێشا گێری

“کەلەوەر” وەشە ن, ئای پەی “هەمرۆ کۆڵ”
“بەنەن” ,”مزگیگای” پەڕ جە دەشت و دۆڵ

“ملەگاوەزان” , “جاسوزگا بەرزە”
“گەوڵە یەخینە ” دڵ ئارێ لەرزە

واچێ وه هارێ ، لوێنمێ هه وار
ماچی به هه شته ن ، “وه رگیری” نازار

هامنان دیسان، به رزێ بێنمێوه
“هه واره به رزه “ده ورێ دێنمێوه

کناچێ ئه وسای فرز و گرج و گۆڵ
کۆگایه جه “وەرو”، گێرێنێ به کۆڵ

ئەڐام تاریف دێ و منیش گۆش دێنا
ئجۆم ئا لەحزه ، “ته ڵۆکسان” بێنا

هاژه ی وه شی ئاو، بۆی وه شی چنوور
بولبولیش وانێ، خه یاڵانی دوور

ئه رخه وانه کێ دوور وه دیارێنێ
تووڵی نه رم و خاس سه وقات ئارێنێ

باوام که رێشا به نانه شانی
په ی چێو وشک که ردێ، په ی یاگێ نانی

یاخوا ئاوان بی ، یاگێ خواناسان
دوور بی جه به ڵڵا ئه ی ده گا و خاسان

شاعێر: شەیماکەریمی(دوریسان)
۱۳۹۵/۱۲/۹

برچسب ها

نوشته های مشابه

پاسخی بگذارید

نشانی ایمیل شما منتشر نخواهد شد.

لطفا نظرات خود را با حروف کوردی یا فارسی تایپ کنید
نظرات حاوی مطلب توهین آمیز یا بی احترامی به اشخاص ، عقاید دیگران، و مغایر با قوانین کشور منتشر نمی شود
نظرات پس از تائید منتشر می شود

همچنین ببینید

بستن
بستن