شعرکوردی

‍ گازە (مناجات)

خوداوەندا ژیانمان ئاوەدان کەی
لەشەڕ دوور و بەبێ هەوروهەڵاکەی

مناڵ و کاڵی ماڵمان ڕێک و پێک بێ
دڵ وجەستەی ئەوانمان بۆ تەڵاکەی

ئەوەی ئەخلاق و عەقڵ و بیر وهۆشە
لەگەڵ مێشک ودەرونیان هاونەواکەی

بڕوا بارکا و نەمێنی دەرد و ژانمان
ڕوح وجەستەن حەساوە وبێ بەڵاکەی

ئەوەی بوونمان دەکا وێران و تاڵان
لە ژیان و حاڵ و ماڵمانی کلا کەی

دەبا بمرێ ئەوەی دوژمن بە دینە
ژیانی ژان و داهاتووی فەنا کەی

گزیر و دەست و پێوەندی ستەمکار
شڕۆڵ و ڕووت و برسی و بێ نەواکەی

بڕوخێ کاخی زۆرداران بەتێگڕا
بەڵام ناوماڵ وکۆخی مەوەک قەڵاکەی

لەکار و باری دین ودنیامان بە جارێ
سەرن بەرز و دڵن پڕ لە سەفا کەی

بە تاو بڕژێنە ڕەحمەتت بەسەرمان
لە دەرد ومەینەت وغەممان ڕەهاکەی

لەتۆمان ویست ئەوەی ڕاز و نیازە
ئەوەی ویست و نیازمانە ڕەوا کەی

هەموو دێهات و شارانی وڵاتن
وەکو جاران پڕ لە فەقێ و مەلا کەی

گەلی کوردی ئەمەگ ناسی موسوڵمان
هەموو مافی ڕەوای خۆی بۆ ئەدا کەی

بەدەستی قودرەتی خۆت ئەی خودایە
نەیارانی گەلی کورد ڕووسیا کەی

یەکێتی و یەکدڵی و ئاشتی و تەبایی
بە مێشکی میللەتی ئێمە حەواکەی

ئەوە”بابۆڵی”یە و موحتاجی لووتفە
لە بەرقاپت دەپاڕێ ، کاری چاکەی

دەڵێ : چاکەی کەمە و دەردی گرانە
خودایە ئەو ئەنیسی موستەفا کەی

هۆنەر :بابۆڵی نەڵۆسی
ڕێکەوتی ۳۰ ی خەزەڵوەری ساڵێ ۹۷ هەتاوی م
موهاباد :ئاوایی کولیجە

از طريق
عبدالواحد رحمت الله
منبع
sozimihrab
برچسب ها

عبدالواحد رحمت الله

نویسنده و شاعر و مترجم آذربایجان غربی - مهاباد خطیب و دعوتگر

نوشته های مشابه

پاسخی بگذارید

نشانی ایمیل شما منتشر نخواهد شد.

لطفا نظرات خود را با حروف کوردی یا فارسی تایپ کنید
نظرات حاوی مطلب توهین آمیز یا بی احترامی به اشخاص ، عقاید دیگران، و مغایر با قوانین کشور منتشر نمی شود
نظرات پس از تائید منتشر می شود

همچنین ببینید

بستن
بستن