دلی من
له‌و ڕۆژه‌وه رویشتوه تۆراوه دلی من
هه‌ر چه‌ند ده‌گه‌رێم بێ سرور شوین ماوه دلی من
ئاخو به چ شاخێکه‌وه گیر ساوه دلی من
یا خو به چ داخێکه‌وه سوتاوه دلی من
ئهو هه‌مده‌می غه‌مخوارو نه‌دیمی منه یا رب
ئهو مه‌حره‌می ئه‌سرارو قه‌دیمی منه یا رب
ئهو گه‌وهه‌ری شه‌ه‌وارو یه‌تیمی منه یا رب
که‌وتوته چ به‌حرێکه‌وه خنکاوه دلی من
بۆ چی نه‌رژێ سه‌یلی سروشکم وه‌کو باران
بۆ چی وه‌کو یه‌عقوب نه‌بمه شوهره‌یی شاران
له‌و یوسفه پرسیومه له بیگانه‌و یاران
هه‌ر گیز نی یه سوراخی له هیچ لاوه دلی من
ئهو سینه له غه‌ش خالی یه ئهو بی رق و کینه
ئهو خادیمی شه‌رعی نه‌به‌وی و میلله‌ت و دینه
له حلوم چوه بۆ خزمه‌تی سالاری مه‌دینه
وام زانی که فه‌وتاوه نه‌فه‌وتاوه دلی من
ارسال : احمد ویسی
