خــوایـە بۆ تۆیە مــەدح و ســپــاســـم
بێجگە لە زاتت هیچ کـەس نــانــاســم
گـــەڵاڵــــەی بـــیـــرم وا دانــــەڕێـــــژم
دیـــارە زۆر ســپــڵە و نەفام و کـاســم
ئــەی ئــەو کەسەی پێت بەخشیم ژیـن
بێ تۆ نیمە هیچ بڕست و زۆر کەساسم
خــــوای چــەوســاوان هــەر بـۆ تـۆیە
خـــورپــــەی دڵ و بــاس و خــواســم
گەر سفرەی دڵ بۆ کەسێتر ئاوەڵاکەم
لە بن دێنم بەردی بناغە و ئــەســاسـم
لە مامەڵە و چەندوچوونی ڕۆژانی ژین
بێ نەوام و زۆر مایە پووچ و ئیفلاسم
بە گیان بکڕم شوێنکەوتنی ڕێبازەکەت
ڕاستەڕێ گرتوی کامەران و فرە خاسم
بە کوژانەوەی چرای ڕووناکی دیـنـەکەت
پڕشنگی ژین بێ سۆمایە و گەلێک یاسم
مـــنــی مرۆ لە زەریــای تـۆ جـۆ هـەڵگرم
کــانـیـاوەکـەم پــڕ لـە ئـاوە وەک ئاراسم
ڕەوانەت کرد هـــەڵـگـــرانی ئاڵای ئاشتی
تــا گـۆی زەوی وەڕازێنم و خــوا بـنـاسم
گــەر لادەم و بـســڕمەوە ڕەنگی گەشیان
زار و نـــزار ڕەش هەڵگەڕاو وەک پەڵاسم
پـــەیـــامــەکــەت ڕێنوێنمانە بۆ باشترین
ڕچــەی ژیــان، لــێــی لابـدەم ناسـپـاسـم
پــشــوودان و حــەسـانـەوە لە نێو باخت
گیان گەشێنە بۆ ژین و مان و ئەنــفاســم
خــوایــە لــە بــاخـی خەمڵیوی بەهەشــتا
بــژیــن لــە کـــۆڕی پیـاوانـــا کـەیـفسازم
بـــەڵام پـــێــش چوونی بەهەشتی ئـەولا
بــەهــەشـتــی بـــژیــم ڕاسـاڵ و ڕاســـم
بانە ـ احمدعباسي