تیشكێكی كورت لەسەر ژیاننامەی مامۆستا مەلا عبداللە كوڕی مەلا عەبدووڕڕەحیمی حافزی حەیدەری .
مەلا عبدللە لە ساڵی 1926 لە گوندێك بەناوی كەشەنە لە بنەماڵەیەكی پاك و ئاین پەروەرچاوی بە دنیا هەلێناوە .
هەر لەتەمەنی 10-12ساڵی خراوەتە بەر خوێندن و لە حوجرە لەخزمەتی مەلا عبداللە ی پیاوێن قورئانی خەتم كردوەو درێژەی بە خوێندن داوە لە كتێبە دینیەكانی تر…
بۆماوەی 14ساڵ سەركەوتوانە قۆناغەكانی شەرعی و خەتابەو زانستە ئاینیەكانی لە خزمەتی هەریەك لەو مامۆستا بەرێزانە خوێندوە كە باشترین و زاناترین زانا ئاینیەكانی سەردەمی خۆیان بوون .
هەریەك لە مامۆستایان :
1-مامۆستا مەلا احمد نەمەشیری حەیدەری بانە.
2-مامۆستا مەلا حوسامەددینی بۆكان.
3-مامۆستا مەلا شێخ حوسەینی شێخلەر.
4-مامۆستای گوندی قاجر.
5-مامۆستامەلاباقری باڵەك لە مەریوان.
6-مامۆستا مەلا مەحمودی موفتی لە سنە.
مامۆستا عبداللەحەیدەری دوئیجازەی لە خزمەت هەریەك لە مامۆستایانی خوارەوە وەرگرتوە:
1-مامۆستا مەلا باقری باڵەك.
2-مامۆستا مەلا مەحمودی موفتی سنە.
مامۆستا خێزانی پێك هێناوەو بەرهەمی ئەو خێزانداریەی تەنها دوو كچە.
مەلا عبداللە بۆ ماوەی 54 ساڵ لە گوندێكی بانەی كوردستانی رۆژ هەلات بەناوی نجنێی ژووروو وتار خوێن و پیش نوێژی گوندی ناو براو بووە .
مامۆستا دەستێكی باڵای لە بواری زانستی تەڵاق و هاوسەرگیری و زانستە جیاجیاكانی تر هەبووە .
بە درێژایی ئەو ماوەیە مەدرەسەو تەدریسی هەبوەو چەندین مەلای بەناوبانگ لە خزمەتی بەرێزیان ئیجازەیان وەرگرتوە ؛وەك هەریەك لە مامۆستایان :
1-مامۆستا مەلا مستەفا بۆستی كە ئێستا لە قەتەر نیشتە جێیە.
2-مامۆستا مەلا عبدالرحمانی خودایی كە ئێستا وتار خوێن و ئیمام جومعەی سنەیە.
3-مامۆستای مەرحوم مامۆستا میرە سەدی پیرەسام.
4-مامۆستا مەلا ئیبڕاهیمی بەهرامی.
5-مامۆستا مەلا عثمان سەددیقی ـ كە ئەو زانیاریانەم لە بەرێزیان وەرگرتوە ـ دووساڵ لە خزمەت مامۆستا مەلا عبدللەی حەیدەری خوێندویەتی.
مامۆستا لەو 10ساڵەی دوایەی تەمەنیدا كە وتار خوێن و ئیمام جمعەی بانە بوو هاوكات ئوستادی مەدرەسەی دینی گوندی قای بەردیش بوو.
بەداخو غەمێكی قوڵەوە ئێوارەی ڕۆژی هەینی 29/11/2019 / هەشتومی ئازەری نەوەدوهەشت كاتژمێر 5.10دەقیقە دڵە گەورەكەی بۆ هەتاهەتایە لە لێدان كەوت و لە نەخۆشخانەی ڕازی بانەوەفاتی كردو چاوی لێك نا ..
هاوخەمی قولی خۆمان بۆ لەدەست دانی ئەو كەڵە زانایە دەردەبڕین و داواكارین لە خودای مەزن بە فیردەوسی شاد بكات.
سەبرو ئارامیش بە خانەوادەو كەس وكارو دۆست و ئاشناو تەواوی خۆشەویستانی بدات .
انا لله وانا اليه راجعون.
مشیر حەیدەری
(مشیر حەیدەری)
