تربیت فرزندانخانواده

بۆ مێرمناڵان ولاوان ،لە ئامۆژگاری بێزارن؟

زۆربەی دایکان و بابانی وڵاتانی رۆژئاوایی، بێ ئەوەی کە لە بنکەیەکی زانیاری و ئاکادمیک، فێر ی هەڵس و کەوت لەگەڵ ڕۆڵە کانیان بوو بن هەربەشێوەی سوننەتی و خانەوادەگی وەکوو میراتێک لە گەورەکانی خۆیان ، ئەرکی گرینگیان پێ سپێردراوە.

ئێمەی باوەڕداریش ته نیا لەباری بیستن و لەبەر کردنی ئامۆژگاریەکانی قوڕئان و وتە بەنرخەکانی پێغەمبەری ئازیز،تێرو تەسەلین دەنا هیچ جیاوازییکمان لەگەڵ وان نیە.
تەنانەت هەتا ئێستا هیچ بنکەیەکی دینی نەبوە کە بتوانێ بە شێوازێکی جوان و عەمەلی ،گەنجانی ئێمە لە بواری ئایینی و کردەوەیی بار بێنێ.

سەردەمی ئێمە ،ئاڵ و گۆر لە تەواوی بوارەکانی ژیان، زۆرخێرایە وزۆرجاران فریای بەتاقی کردنەوەی ئامێرێک ناکەوی کە شتێکی نوێ جێگای دەگرێتەوە.
ئینتەرنێت و ماهوارەو موبایل و کایەکانی کامپیۆتێری ، سەدان داب و نەریت و کەلتوورو تەربیەتی وڵاتانی دیکە لە گەڵ خۆیان بەدیاری دێنن.بەو هۆیەمناڵانی ئێمە تووشی دژایەتی عەقڵی و هۆشی و کردەوەیی دەبن.

دژایەتی فکری و تەربیەتی ، دەبێته هۆی لێک دابڕان و نێوان کەوتنەوی نێر مناڵان و دایک و بابەکان. ئێمەی بێ ئەزموونیش تە نیا بە ئامێری ئامۆژگاری ، مێشکیان دەکۆڵین و هێندەی دیش، لەخۆمانیان دادەبڕێن.
ئەوڕۆ سەدان جێگاوکارگا دامەزراون کە لە بواری لێک نێزیک بوونه و ئاشتی بنەماڵە کان ، چالاکی دەکەن. زۆریان باشن و زۆری شیان ، لە لایەکی دیکە ،مناڵان لە بنە ماڵە دادەبڕن و زەرەدیان زۆرترە.

بەڵام شۆێنێکی ئێگجار پڕ متمانە و شوێن دانەر، پەنابردن بۆ داوێنی ئەدبیاتە. لە نێولقەکانی ئەدەبیاتیش، چیرۆک، شوێنێکی یەگجار بەرچاو و پڕ بایخی هەیە .
ئەگەر دایک و باب بتوانێ لەشێوازی چیرۆک و داستان بە باشی کەڵک وەرگرێ ، بۆمەبەستی خۆی ،لە خورافات و درۆ دەلەسە و شتی سەیرو سەمەر،ئیستفادە نەکا، تەنیاو تەنیا ڕاستیەکان و واقعیەتی ژیانی مرۆف باس کا، بێ هیچ ماندووبوونێک ،خزیوەتە ناو دڵی مناڵەکەی و بەرەوخۆی ڕاکێشاوە ،بەڵام ئەوکارەش لێزانی و فێربوونی پێویسته.

جوانکاری ئەدەبی چیرۆک ، لەتەوای دینە ئاسمانیەکان و مەکتەبە بەشەریەکان، کەڵکی لێ وەرگیراوە و لاینگرانی خۆیانیان پێ تەربیەت کردوون.
قورئان، چیرۆک بە باشترین ئامێری بارهێنان و تەربیەت، دادەنێ .کەڵک وەرگرتن لە زمانێکی ، ساکارو واقعی و ڕاست و دروست و عاشقانە وئاوێته بەمرۆڤ دۆستی و بیرو باوەڕێکی جوان، رەمزی سەرکەوتنی قوڕئانه.
کاتێک مرۆو، چیرۆکێکی ناوقورئان دەخوێنیەوە هەستێکی بەسۆزو خۆشەویستی، ڕاتدەکێشێ .لەناو مێشک و بیروهزرت کاردەکا. ڕق و تووڕەیی ، دەتەزێنێ. نەرم وهێدی و دڵ بەبەزییت دەکا.

خوای کاربەجێ،زۆر بە وردی و لێزانی ڕێ وشوێنی بۆداناوین کە ،نێوان نەکەوێتە مابینی بنە ماڵە و گەنجانی باوەڕدار.
جیهانی سەردەم ،دوای سه دان جار تاقیکاری و سەرهەڵدانی زانیاریەکانی کۆمەڵناسی و دەروونناسی، ئێستا دان بە شوێنی ئەدەبییات و چیرۆک ، دادەنێ. تازە بۆیان دەرکەوتوە، کە ئامێرێکی پەندو ئامۆژگارییە.
کاریگەری چیرۆکێکی باش ،هێندە بەرچاوە کە خوێنەرەکەی دەباتە ناو دونیای قارەمانانی خۆی و وای لێدەکا، کە خۆ لە جێگای ئەو دانێ. دژی زۆردار شەڕبکا، هاوخەمی ژێر دەستان بێ، عەداڵەت و دادپەروەر بێ، دەستی هەژارو نەدار بگرێ ،فرمێسکی حەق خوراو بستڕێ، لەگەڵیان بگری ،پێبکەنێ ،خەفەت باربێ و جێژن بگێڕێ.
ئەدەبی کوردی و ئایینی ئێمە پڕن لە چیڕۆکی پیاوەتی و مرۆڤایەتی وجوامێری وئازایەتی پیاوان و ژنان و مێرمناڵان. کە وەک خەزێنەیەکی پڕلە زێرو جەواهێراتن.

بائێمەش ئاوڕێک بدەینەوە سەر ئەدەبی گەل و نیشتمان و ئایینەکەمان ،دەنا هەتا بەخۆ دەزانیین بە بیانووی پێشکەوتن خوازی ، وەک جوەکەی لە هەردووک دینان دەبین ،هەم بواری نیشتمانی و داب و نەریتمان دەفەوتێ و هەم کەسایەتی و بەرو بوومی ژیانمان کە گەنج ولاوەکانن ،تاڵان دەکرێن.
بەسپاسەوە.

✍️جەهانگیر بابایی ـسەردەشت ـ ڕێبەندانی ۹۷

از طريق
جهانگیر بابایی
منبع
sozimihrab
نمایش بیشتر

ســــۆزی میــــحڕاب

سایت ســــۆزی میــــحڕاب در آذرماه 1392 با همت جمعی از اهل قلم خوشنام و گمنام تاسیس شد ســــۆزی میــــحڕاب بدون جنجال و در اوج عملگرایی به ترویج مبانی میانه روی می پردازد ســــۆزی میــــحڕاب با هیچ جریان و هیچ احدی درگیری ندارد ســــۆزی میــــحڕاب رسالتی جز همزیستی و دگرپذیری ندارد

نوشته های مشابه

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

همچنین ببینید
بستن
دکمه بازگشت به بالا