سیاسیکوردی

کێ دەیچێنێ وکێ دەیخوا؟

کۆمەڵگا ،وێنەی گۆمێکی مەندو قووڵ وئارامە کە جێگاو مەکۆی ژیانی هەزاران ئایین ونەتەوە وزمانە. ئەگەرکەسێک به نەگبەتی وجووت مۆری بەردی تێنەگرێ ونەیشڵەقێنێ قەت لە خەوڕاناچڵەکێ.

سارای ژیان هێندە پان وبەرین وبەربڵاوە کەئەگەرسەدهێندەی دیکەش ،داب ونەریت وفەرهەنگی جۆراوجۆری تێخزێن تەواو نابێ وبەستەری پێکەوە بوون ومانەوە بۆهەموو ڕەنگەکان وزمانەکان،هەموار کراوە..

بەڵام لەهەمووشاخە جیاکانی مێژوودا، بەردهاوێژێک وگێرەشێوێنێک سەرهەڵدێنێ کە ئاڵۆزی دەخاته جیهانی مەندوبێ شەپۆل. دژی زوڵاڵی ورووناکین وچاویان بەخۆشی وپێکەوژیان هەڵنایە وقوڕاویی بوون ولێڵی بەدیاری دێنن ،دەزانن ماسی لەئاوی لێڵ، باشتر دەگیرێ!!

کاتێک لەجیهاندا، بڵێسەی ئاڵۆزی وکێشە،هەڵداییسێ تەڕوویشک پێکەوە دەسووتێ بەمتمانەوە،دووهێزی تێکدەری دارایی ودەسەڵات،دەستی تێدایە کەوێنەی گورگێکی دڕندە، تارمایی تەم ومژی ئاڵۆزی دەقۆزێتەوە جانێچیری بەستەزمان دەڕفێنێ .

گەلێک کۆمەڵگاوبنەماڵەودۆستی خۆشەویست،پێکەوە ژیاون ولەسەرخوانێک حەواونەوە ویەکدڵ ویەکماڵ بوون بەڵام کاتێک سێبەری پووڵ وحکوومەتیان بەسەرداکشا،کاکەوبرالە نامێنێ وهەرکەس بەرەوخۆی بپچڕێ دێتەئاراوە وکەسی دیکە نابینرێ وئەوجاردەراوی زاریان، بەرەو کونە ڕەش و دوورخستنەوەی نەیاران وپەتکی سێدارە و دم دروون، دێتە سەرزاران وبەنێوی خواو، یاساووڵات دۆستی، دەست بەسەرهەمووسامانێک دادەگرن!

وڵاتانی ئەورووپی،دوای چەندسەدە ناکۆکی وشەڕوئاژاوە وقڕکردنی هەزاران هاووڵاتی،لەدەرەنجامدا ئاڵای پێکەوەژیانیان هەڵدا ودانیان بە بوونی یەکتر دانا.

بەڵام بەداخێکی گرانەوە، گڕوتینی شەڕی ناوخۆیان پڕژاندە ناووڵاتانی هەژارو لێقەماو بەنێوی ئاوەدان کاری وبەشارستانی کردن، خاپووری وهەژاریان بەدیاری هێنا، بەیارمەتی هێزی چەک و سەرمایەی دەوڵەمەندان، دووقۆڵی دەستیان خستەناوقوڕگی وڵاتانی دواکەوتوو هێندەی دیکەش لەڕولاوازیان کردن!

دوای لەخەوهەستانی وڵاتانی ژێردەستیش،دارودەسته وبەکرێگیراوی خۆیان، بەجێ هێشتن وتووی ئاژاوە وناکۆیان چاندو بەرووبوومی دووبەرەکایەتی نەتەوەیی و ئایینیان،هەڵکرد کەتا ئێستاش هەردەوامە ی هەیە وڕۆژبەڕۆژیش،زیاتر پەل دەکێشێ.

خۆبەزلزانی وشانازی بەئایین ونەتەوە وزمان لەوسەدەیەدا،گەورەترین خاڵی لاوازی مرۆڤی لەخوباییە کەشایەنی جێگری خوای نییە،شوورەیی وسەرشۆڕییە بۆگەلی خاوەن زانیاری وتێکنۆلۆژی ئەوسەردەمە،لەداوو تەڵەی سیاسەتوانان و سەرمایەداران کەوێ وببێتەداردەستی کاری ئەوان هەتا ئامانجی خۆیانی پێوەدی بێنن.

گەشەپێدانی شەڕی ئایینی ونەتەوەیی ،تەنیا بۆ بەرژەوەندی دەسەڵاتداران وگیرفان پڕەکان هەیە وخەڵکی ڕەشەڵۆک ، بەوکارە باوەشێنی ئاوری بن کایەی پێدەکەن وباشتر دەست وەبن سەریان دەدەن.

خۆئەگەرلەڕوانگەی ئایینەکاندا چاوی لێ بکرێ بێجگە لەیەهوود کەخۆ بەنەتەوەی هەڵبژاردە دەزانێ سەرجەم ئایینەکان،جیاوازی بۆ مرۆڤەکان دانانێن وبەچاوێک سەیریان دەکەن.

خوای گەورە دەفەرموێ: باشترینی ئێوە لەلای من بەڕێزترینن”
زمان وڕەنگ ودین ودەوڵەمەندی وسامان لای خوا،هۆی گەورەیی وسەربەرزی نین .

مافی مرۆفی سەردەمیش، جەخت لەسەرڕێزو یاساسەروەری دەکا وهەموووڵاتێکیش لەسەررووبەرگی پەڕلمانەکانیان، یاسای جوانیان نووسیون بەڵام داخی گرانم لەئاکاروکردەوەدا، لەژێرپلەی سیفرن ،هەرگیزناهێڵن ،ئەوحەزە بپشکوێ وتەنیا دروشمێکی جوان وقەڵەوە.

مناڵ وگەنجی وڵاتانی ئێمە،بەجێگای دەرس وموتاڵا ولێکۆڵینەوە وبەرهەم هێنانی زانیاری وپیشەسازی ووەرزش وپاڵەوانی وپەروەردەی رووح و مێشک،دەبێ سەرقاڵی ئاژاوە و ناکۆکی بن. هێزی هزروبیریان لەو ڕێگایە پڕوپووچانە دەتوێتەوە وفێری فێڵ وگزەوئاژاوە دەبن.

تۆوی ئاژاوە ودووبەرەکایەتی نەتەوەیی گەلان،کەبەدەستی ئاڵاهەڵگرانی دێموکڕاسی چێنراوە وئەوان ئاودێریشی دەکەن وجووتێرونیوەکاریشیان بۆگرتوون وبەسەری ڕادەگەن چوون ،پارووی چەوری لێدەبێتەوە.

زەق کردنەوی دووبەرەکایەتی وناکۆکی مابەینی نەتەوەکانی وەک عەرەب وتورک وکوردو فارس وئایینەکانی شێعە وسوننە وئەرمەنی وجوەکان،لەپلان وبەرنامەی ئەوانداگونجاوە وبەدەست پیاوانی دابەستەی ناوخۆ،جێبەجێ دەکرێن وهەژاری چەوساوەش،هەرماڵوێرانتر دەبێ وپێویست بن دەرک سەراوکۆشکی مام گورگ،ئاپڕژێن بکا.

پێم وانیە توانەوە وقاڵ بوونی هیچ نەتەوەو ئایینێک،سوودی بۆ ئەوەی دیکە هەبێ،کەس بۆی نییە ئەوکارە بکا،کەس بەشی کەس ناخواولەسەرسفەری ئەو ناژی،جوانی ئەودونیایەش زە ڕەنگاوڕەنگی وجیاوازیەکانەوەیە.

هەربۆیە پێکەوە ژیان وبڕەوپێدانی ڕێزوحورمەتی گەلان ومرۆفایەتی،گەورەترین چارەسەرو مەڵحەمی ئەونەخۆشیەیە دەروونییە کە دونیای پێوە دەناڵێ وداوێنی دونیای گرتوە.

دانێپدان بەزمان ونەتەوەوگەلی خواپێدراووئایینی هەڵبژارتە،بەڕێزترین یاساوڕێسایە بۆئەوەی کە خەڵک وەحەسێ و دژایەتی یەکتر نەکەن وخۆشەویستی سەروەربێ.

کەسێک لەسەردەمی یاسا وشارستانیەتدا نەتوانێ لەگەڵ جیاوازی فەرهەنگ ونەتەوەکاندا بژی وهەڵکا،با خاوەنی دەسەڵات وحکوومەت ومێژووی ڕەسەن وکۆن بێ وبەخۆیەوە بنازێ ویا خۆی پێ جێگری خوای گەورەبێ،بەمتمانەوە فڕی بەمرۆڤایەتی وشارستانیەت ودینداریەوە نیە ودڕندەیەکی بەتەواو مانایه .
کوردوتنی: “قسە بیست وچوارن ودوویان بەکارن.”

جەهانگیربابایی ـسەردەشت ۱۴؍۱۲؍۹۹

نمایش بیشتر

نوشته های مشابه

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

همچنین ببینید
بستن
دکمه بازگشت به بالا