بەحەشت و باخ و گوڵزاری هەمووی بیانووی ویساڵی تۆ
ڕەزا و دیـداری تۆم بەسە بەهەشت کردەی کەماڵی تۆ
هەموو قەسر و تەلار و کۆشک و کاخی ناخی هەشت قاتی
بە قوربــان شەوکـەت و پاکـی و جەلالی لا یەزاڵی تۆ
جەننات و عەڕش و دەریای نوور لەگەڵ حەوت ئاسمان ئەوتۆ
هەمووی ڕەنگاو و ڕازاوەن بە تیشکی ڕووی جەماڵی تۆ
دڵێکە و خاوەنی هەرتۆی بە ناو و یادی تۆ زیندووم
بفەرموو تاکــوو زیبحـــی کــەم بۆ وەجهی بێ میسالی تۆ
دەکەم ئیـــقرار بە تاوانـــم پەشیـــــوان و خەتابارم
دەکەم تۆبە لە دەرگـــاهت هیوام عەفوو و موباڵی تۆ
زەبوون و ڕووڕەش و عاسیـــم چلۆن شایانــی بەخشین بم
منـی موحتــاج و ئاتاجی ویسال و ئیتیسالی تۆ
بە غەیری تۆ چ شک نابەم پەناهـ و دەستگر و یارێ
چ خۆشێکم دەوێ پاشی ڕەزا و ڕەحم و ڕیساڵی تۆ
مباڵی : اعتنا و توجه
ریساڵ : مهربانی
محه‌ممه‌د فه‌تحی نژاد
سۆزی میحڕاب
