“جیاوازیی تەراویح و ویترو شەونوێژ..”
ساڵانە پرسیاری زۆر دەكرێت لەسەر جیاوازیی شەونوێژو تەراویح و ویترو.. هتد:
بە پێی لێکدانەوەی ڕیوایەتەکان و بەهێزترین بۆچوون: تەراویح و شەونوێژ (صلاة اللیل)و (تەهەججود)و (ویتر)، هەموویان یەک شتن و ئیعتیباری جیا جیا، ناوەکانی گۆڕیوە. چونکە بەو پێیەی پشوو لە نێوانیاندا هەیە، پێی دەگوترێت: تەراویح. بەو پێیەی لە شەودا دەكرێت، پێی دەگوترێت: (صلاة اللیل). بەو پێیەی خەوزڕانی تێدایە، پێی دەگوترێت: (تەهەججود). بەو پێیەی كە ڕكاتەكانی تاكن،ۆ پێی دەگوترێت: (وتر).
دیارە ڕای زانایان لەسەر ڕكاتەكان جیاوازە، بەڵام بەهێزترین ڕا لەوەوە نزیكە كە دەڵێت: ڕکاتەکانی تەراویح (11) ڕكاتن. ئەوەی ئەم بۆچوونە پشت ڕاست ئەكاتەوە، ڕیوایەتێكە كە لە صەحیحی بوخاری و موسلیمدا هاتووەو خاتوو عائشەی دایكی بڕواداران دەیگێڕێتەوە، كە دەفەرموێت: (ما كان رسول الله (صلى الله عليه وسلم) يزيد في رمضان ولا في غيره على إحدى عشرةَ ركعةً..) (بوخاری، بە ژمارە: (3569) . موسلیم، بە ژمارە: (738) گێڕاویانەتەوە، واتە: پێغەمبەری خوا (صلى الله عليه وسلم) نە لە ڕەمەزان و نە لە غەیری ڕەمەزاندا لە (11) ڕكات زیاتری نەدەكرد.
✍️#مامۆستاعمرعبدالعزیز
