?سۆزی میحراب
ئاواتی دڵ ، سۆمای چاوە ،
شنەی بەیان خوڕەی ئاوە ،
هەروەکو لێزمەی بارانە
دەنگ وڕەنگی بەهارانه
?سۆزی میحراب
گوڵ ومیوەی نێو باخانە
وەک هەنگوێنی سەرشاخانە
لەززەتی ڕۆح شیفای دەردە
بۆ تینوان ئاوی سەردە
?سۆزی میحراب:
وەکو شمشاڵ وئاهەنگە
گوڵزارێکی ڕەنگاوڕەنگه
باخێکی پڕ بەر وبۆیه
قوتابخانەیە، زانکۆیه
?سۆزی میحراب
جێ وهەوارگەی زانایانه
سۆز و خەیری بێ پایانە
سەراسەر زانست وپەندە
لەبەر دڵانە و پەسەندە
?سۆزی میحراب
پەیامی بیر وڕەوشتە
ماڵی ڕازاوە بۆ گشتە
واگەییوە بە هەشت ساڵان
دەک پیرۆز بێ لە هەڤاڵان
وامنیش لە شاخی هەورامان
هەر وەکو باقی ئەندامان
چەپکە گۆڵی ئەوینداری
ئەنێرم بۆتان بە دیاری
✍هاشم حەکیمی- پاوە
٤٠٠/٩/٢٥
???????
┏━━━━━━ ? ━┓
? @Sozimihrab ?
┗━ ? ━━━━━━┛
