دل نوشتهشعر

هەڵەبجە زامی گەلێک

“” هەڵەبجە زامی گەلێک “”

لەسەرەتای ساردبوونەوەی گۆی زەوی، مرۆڤ بەکۆمەڵ و پێکەوە دەستیان دایە ئاوەدانی و بەکشت و کاڵ و ئاژەڵداری و ڕاوکردن، خۆیان بەخێو کرد.
بەڵام گەیشتن بەپلەکانی سەرۆکایەتی و ماڵ و سامان، هێندێکی لەخۆبایی کردن و وایانزانی کە هەڵبژاردەی تایبەتی خوان. دەبێ کورنۆش و بەڵێ قوربانیان بۆ بگوترێ.
هزرو بیری ئەو جۆرە کەسایەتیانه، بەرەو خۆبەزل زانی و دەمار گرژی و لووت بەرزی هەڵکشا.هەتا دونیاش هەبێ ئەو جۆرە بیرقرپۆکیە، هەر لەگەشەو نەشەدایە.دەست لەبەرۆکی بەشەر ناکاتەوە.
فکرێکی ئاوەها گەندەڵ و رزیو، وەک خۆرە خزیوەته ناو هەموو جیهان و کۆڵەکە و قەڵای سەروەری و مرۆڤایەتی، دەلەرزێنێ.
لوت بەرزی مرۆڤەکان، لەهەر سەدەو دەورەیەکدا، بەڕەنگ و جۆرێک خۆدەنوێنێ. بەناوی پاشا،سەرۆک کۆمار، پەرلەمانتار،سەڕۆک حیزب و سەدان نێوی جوان و ڕەنگین.
دەرمانداوکردنەکەی پڕلەقێزەونی هەڵەبجە ، بناغەی هەرهەستێکی پاک، دەرووخێنێ و دڵی جیهان و دڵسۆزانی هەژاند.یەکێک لەوئاکارە پەستانە بوو کە ،سەرچاوەکەی لە فکرێکی گەندەڵ وقرپۆک، ئاو دەخواتەوە ئەویش لەسەدەی بیستەم و لەژێرئالای دێموکڕاسی و مرۆڤ سەروەری.
جوانەمەرگی هەڵەبجە ، زامی گەڵێک و بگرە ڕووشاندنی ناخ و دەروونی،مرۆڤایەتی بوو.خاپوورکردنی هەستی هەزاران بنە ماڵە و داڕمانی سەدان حەزو ئارەزوو و داهاتوو بوو.
شین گێڕان و فرمێسک ڕژانیش، هیچ زامێک ساڕێژ ناکا و بەوکارەش گیانی هیچ شەهیدێک نەتەنیا ناگەڕێتەوە بەڵکوو شادیش نابێ. ناشکرێ ڕەوڕەوەی ژیان و کوردایەتی و تێکۆشان بەرەومانەوە، پەکی پکەوێ.
بەڵام بە هەڵسەنگاندن و لێکۆلینەوەیەکی وردو تیژی ئەو کارەساتە نامرۆڤانە و ناساندن و بن بڕ کردنی ئەو هزرە بۆگەنە، تاڕادەیەک دەبێتە هۆی مەڵحەمی برینی لە بڕان نەهاتووی قوربانیەکان
بەچاوپێداخشاندنێکی هەڕەمەکی، یەکەم سەبەب کار ی ئەو کارەساته، سەددامی فیرعەون سفەتی گۆڕبەگۆڕو داروو دەستەکەی دێنە بەرچاو.بەڵام کاتێک بەتیغی تیژی فکروهەڵسەنگاندن ،لێکدانەوە ی بۆ دەکرێ دەستی چەنها لایەن و وڵات و حیزب دێنە کایە کەدەسته کەمێکیان لە سەددام نیە.
ناشی گەری و قازانج و بەرژەوەندی ئەو لایەنانە، بەهەر هۆیەک بێ چاو پۆشی لێکراوە و پەردەیەکی ڕەشی پێدادراوە.
دو حیزبی سەرەکی هەرێم، لەوەتی هەن گاسن لەچاوی خۆیاندا نابینن و دەرزی نێو چاوی بەرامبەریان، دەدۆزنەوە. دەستی چەوری ناشیەتی و هەڵەو پەڵە لێروو لەوێ هەڵدەسوون و قامکی تاوان لە چاوی نەیارانیان ڕۆ دەکەن و خۆشیان پێ عیسای زەمانەیە.
لە خوێن ڕێژی سەدامی بیرگەندەڵ و لاینگرانی، نکۆڵی ناکرێ بەڵام تاوان و بێدەنگی ئەو زلهێزو و وڵاتانەی کە بەدرووشمی کەسک و سووری ماڤی مرۆڤ، دونیایان تەقاندۆتەوە لە چ دادگایەک ، باسی لێکرا؟ ئەوانەی کەبوونە هاندانی سەددام و ڕاکێشانی بەرەو سەمپاشی، بۆ خۆیان مراندوە؟
ئەو دوو حیزبە بەڕێزانە کە سەدان جار بە پلان و بەرنامەی نەزۆک ،بوونە داڕمانی قەڵای کوردان، بۆ کپ و بێدەنگن و مڕەیان لێ نایا؟ وادەزانن خەڵک گێلە و لێکدانەوەیان بۆناکرێ؟
دەی خۆ بەلانی خێر، ئێستا بیرگوڵاو و ئەفلەق لێدراوەکان، گۆڕبەگۆر بوون و بۆخۆیان، سەرۆک کۆمارو هەرێم بەدەست و پەرلەمانتارن و چەکدارو سمێڵ باقە و بیور بەدەستیشیان، لەدەورەن و لەسەر خەزێنە و چاڵە نەوتەکانیش نووستوون. بۆ ساڕێژ کردنی زامی کورد و هەڵەبجە، چیان کردوە؟ لەگەڵ سەددام بچنە محاکمە ، چ جوابێکیان پێیە؟
ئەوە نێزیکەی چل ساڵە نەتەنیاکورد نەحساوەتەوە ڕەگ و ریشەی دیکتاتۆڕی و فەسادو گەندەڵی، ویشک نەبووە بەڵکوو ، زیاتر سەری هەڵداوە و زستان و سەهۆڵبەندانی چەوسانەوە و هەژاریش، هەر لەگوڕەگوڕ، دایە!
ئەوەبوو پروپاگەندەکەی سەرکەوتن و ڕاپەڕین وشۆڕش و دیکتاتۆڕ رووخان!
جاخۆتان و ویژدانتان، شین گێڕان بۆ مەرگی هەڵەبجە ، بەباڵای هەموو کەس، بڕاوە؟

جەهانگیر بابایی ـ سەردەشت ـ زستانـی ۹۷
بۆساڵیادی مەرگی هەڵەبجە.

از طريق
جهانگیر بابایی
منبع
sozimihrab
برچسب ها

نوشته های مشابه

پاسخی بگذارید

نشانی ایمیل شما منتشر نخواهد شد.

لطفا نظرات خود را با حروف کوردی یا فارسی تایپ کنید
نظرات حاوی مطلب توهین آمیز یا بی احترامی به اشخاص ، عقاید دیگران، و مغایر با قوانین کشور منتشر نمی شود
نظرات پس از تائید منتشر می شود

همچنین ببینید

بستن
بستن