دل نوشتهشعر

شەو بێداری….

شەو بێداری

نوسه ر : ئیسماعیل رزائی (غەریب) کرماشان

جەرای بەندەگی،هۆشیاری وەشەن
جە نیمەشــەوان، بێڐاری وەشـەن

بێڐاری وەشەن، هەمڕای فکر بۆ
زۆبانت پاراۆ ، وەنــەی زیکـر بۆ

جە خەڵوەتەکات ، شەیتان را نەڐەی
ســەر مایەو ژیویت ، بە فەنا نەڐەی

بلـــی وەر بەرە ، خـوڐای بێڐاری
هەڵەو تاوانێ ، وێت هۆر ژماری!

واچی خوڐا گیان،رەحم فراوان
ئامانا بەرەت ، بە کـۆڵـــی تاوان

دەفتەرم سیاو ، روەم ســیاوتەر!
بیەنا مۆستەحەق ، ئایری سەقەر

تەقسیرم نەبیەن،جە جۆرم و تاوان
کەفتەنا شۆنەو ، یاگەپای شـەیتان!

فەریبـم واردەن، چـــی دۆنیای فانـــی
حەێران و مەدهۆش، وەش گۆزەرانی!

مەخفی کاریەکێم، لات ئاشـــکارەن
خەجاڵەت مەندیم،جە دوور دیارەن

ئانە تۆ فەرمان، پاســـــەم نەکەردەن
پەی پەی جە ژیوایم،فەریبم وەردەن!

بەڵام ئێقـــرارم ، هـــەن بـە تـەنیاییت
بە رەحم و بەخشش،لۆتف‌و خۆڐاییت

یەقینم پاسـەن ، بە گـۆشـەی کەرەم
تاوی بەخشـیم و، نەوزیم جەهەننەم

چێش مەبۆ شەیئێ،باوەریم حەساو؟
یاگێ‌و هەڵەکام ، پەڕ کەری سـەواو؟!

چونکە دەست مەی ، ئاسانەن جە لات
گۆشـــەێ رەحمــەتیـم ، بکەرە خەڵات

هــەتـا دوور گنــو ، جـە خـەم و خـەفەت
(غەریب)یم پەێم بۆ،سەر مایە‌و مێکنەت

بە لارە ملیم ،شـــەیتان شــــاڐ نەبۆ
رەنج و زەحمەتم ، کۆل بەر باڐ نەبۆ

14 / 11 / 1396 – هەتاوی ئیسماعیل رزائی (غەریب) کرماشان.حێکمەت‌ئاوا.

از طريق
اسماعیل رضایی
منبع
http://sozimihrab.org/
نمایش بیشتر

اسماعیل رضایی

استان کرمانشاه - شهرستان کرمانشاه شاعر و فعال دینی

نوشته های مشابه

دیدگاهتان را بنویسید

نشانی ایمیل شما منتشر نخواهد شد.

دکمه بازگشت به بالا

Notice: ob_end_flush(): failed to send buffer of zlib output compression (1) in /home/mihrab777dcv3e/domains/sozimihrab.org/public_html/wp-includes/functions.php on line 4757

Notice: ob_end_flush(): failed to send buffer of zlib output compression (1) in /home/mihrab777dcv3e/domains/sozimihrab.org/public_html/wp-includes/functions.php on line 4757