مەلای کوێر!
مامۆستا تۆ کوێری؟!
ڕۆژێک لەمزگەوت، نوێژخوێنان بەزۆری ژمارەی خۆیان سەرسام بوون، بەڵام پێشنوێژخوێنێکی زانا و لەخواترسیان هەبوو، ئەوان پێیان وت:
سەیرکە مامۆستا، ژمارەی نوێژ خوێنان چەندزۆرە، دەبێ چەندکەس بین؟
ـ مامۆستا وتی: یەک کەسی لێنیە !
خەڵکەکە لەپەشۆکاوی و سەرسامیان بەوەڵامی مامۆستا، یەکێکیان وتی:
بۆ مامۆستا تۆ کوێری؟!
هەرچەندە ئەم پرسیارە بێ ئەدەبی و بێ ڕێزی تێدابوو، بۆمامۆستا !
بەڵام مامۆستا بەم شێوەیە وەڵامی دانەوە :
کوێر ئەوکەسەیە چاوی دادەخات لەئاست بێوەژنێکی خاوەن مناڵی هەتیو، کەبارێکی قورسی لەسەرشانە!
کوێر ئەوکەسەیە ڕوودەکاتە قیبلە، بەڵام پشتیکردۆتە بێ باوکان وهەژاران!
کوێر ئەوکەسەیە سەجدە بۆخوا دەبات، بەڵام فیز و لووت بەرزی بەسەر بەندەکانی خوادا لێدەدات !
کوێر ئەوکەسەیە لەڕیزی یەکەمی نوێژخوێنانە لەمزگەوت، بەڵام لەڕیزی خواردن بەخشین بەهەژاران و وتنی هەق غائیب و ونە !
کوێر ئەوکەسەیە تەنها ڕۆژێک دەبەخشێت، لەکاتێکدا لەتوانایدا هەیە هەمووڕۆژێ ببەخشێت !
کوێر ئەوکەسەیە بەڕۆژووەو خۆی لەخواردن دەگرێتەوە، بەڵام خۆی لەحەرام ناگرێتەوە !
٭ کوێر ئەوکەسەیە بەدەوری کەعبەدا دەسوڕێتەوە، بەڵام لەبیری چوە، بەدەوری ئەوهەژارانەدا بسوڕێتەوە، کە ڕۆژانە لەبرسان و نەبوونیان دەمرن !
کوێر ئەوکەسەیە بانگدەدات و وشەکانی بانگ بەرزدەکاتەوە، بەڵام ڕێزی دایکوباوکی بەرز ڕاناگرێت !
کوێر ئەوکەسەیە نوێژدەکات و ڕۆژوو دەگرێت، پاشان گزی(غەش) لەکڕین وفرۆشتنیدا دەکات !
کوێر ئەوکەسەیە لەبەردەستی خوا دەوەستێت، بەڵام دڵی پڕە لەڕق وکین، بۆ براموسوڵمانەکانی !
کوێر ئەوکەسەیە جیاوازی ودابڕان هەبێ لەنێوان پەرستشەکانی و ڕەوشتی و مامەڵەیدا !
کوێر ئەوکەسەیە نوێژدەکات و سەجدەدەبات و ڕۆژوو دەگرێت، بەڵام خۆی ستەم دەکات و پشتگیریش لە ستەمکاران دەکات !
کوێر ئەوکەسەیە نوێژدەکات و ڕۆژوو دەگرێت، بەڵام دەستی خوێناویە بەخوێنی موسوڵمانان !
?
کوێر ئەوکەسەیە نوێژبکات، بەڵام هیچ سودێک لەنوێژەکانی نەبینێت !
کوێر ئەوکەسەیە هەندێک لەدین وەربگرێت و هەندێکی وازلێبێنت !
ڕاستی فەرمووە خوای میهرەبان کە فەرموویەتی:
(ومن كان في هذه أعمى، فهو في الآخرة أعمى وأضل سبيلا). واتە:
ئەوەی لەم دونیایەدا(بیروهۆش ودڵ ودەروونی)کوێربێت، ئەوە لەقیامەتدا چاوی کوێرە زۆر سەرگەردانتر و سەرلێ شێواوترە .
هەموو نوێژخوێنان کپ و بێدەنگ بوون، بۆ ڕەوانبێژی مامۆستا.
هیچ کەسێکیش کامڵ و بێ عەیب نیە.
❗هەتاکوئێستاش ئێمە حاڵمان هەر بەو شێوەیەیە !
? هەریەکێ لەئێمە پێویستە چەند جارێک ئەم بابەتە بخوێنێتەوە، بۆئەوەی بزانین ئێمەش لەچیدا کوێرین.
نوسەر: محمد ڕاتب نابلسی
وەرگێڕ: حەسەن مەحمود قادر
ارسالی: یوسف مکاری زاده