تاریخ

گۆڕ غه ریب(شعر اورامی)

هـــۆ کاکــەی ئــازیــز ، بــرای قــارەمـــان!
مۆددەعی فکرەو ، وەڵ کەوتەی ژیان!

تاتەت کەرد بابی ، ئەداش به مامان!
پاســـه گەرەکتا ، یاوی به ســـــــامان?!

دەلیلێ پوچێ ، پەرێ وێت تاشی!
دێدێت ئاباجی و ، کاکات داداشی !

جه دەســت دانـی ، وشەکیت یۆ یۆ!
لالوت ئادایین ! مامۆت خان عەمو!

جیاتیو مەتـیــــــی ، خاله خاله تەن!
ئەسڵو وێت لاتەو ، بێ ئەسالەتەن؟!

قورئان قیمــەتــش ، پەی تۆ نیا نەره !
قەدرو وێت گێره ، وێت وار مەکەره ؟!

جه قورئانەنه ، ئەژنا سیانــــــــی !
به قەبیلێوه ، لەقەب دریا نـــــی!

مەر فەرهەنگو تۆ ، چێشش بێ کەڵکەن؟
تۆ ئیفتێخارت ، شۆن کەوتەی خەڵکەن !!

بـــە دەس و مــۆد و ، زەمــانەی دیلیــــــی!
موو سەر ئاڵمانی و ، ڕیش ئیسرائیلیی!

ژەنیت نیمە ڕووت ، موو سەر پەرێشان!
مایەو دڵ تەنگی، پەی قەوم و خوێشان!

لیباس ئورو پای ، نوسیەی لاتینی!
ژیوای تێکەڵاو ، فێکرت بێ دینی!

زۆان ، ویرەو شیه ! ، ئیددەعای کوردی!
غیرەت تۆسقاڵـــــــێ، هێممەت نامەردی!

ئا پی وەزعەوه ، ماچی کوردەنا ؟!
ساحێب غیرەت و ، ژیرو وردەنا؟!

چەمێــت کــەرەوە ، ئــەوزاعـــت وینــــه /
چی جه دەست دان ، غیرەت چی ژینه؟!

کیسه و فکرەکات ، چیریوه دڕیان!
سەیاره و ژیویت ، تورمزش بڕیان !!

هەڵه مـــەلینه ، رات بەرەو کەنــدەن !
سەوای زوان و ، مەعزوریت لەنگەن!

دین و مللییەت ، رەنگ و بۆ گوڵەن
هەر کامش نــەبــۆ ، گــوڵ ناکامڵــەن

گـــۆڵێوە عــالەن ، رەنگ و بــۆ دار بــۆ
جە چوار وەرزەنە ، پێسەو وەهار بۆ

ئارو وه ختت هەن ، ویرێ کەرەوه!
جه ئەوزاع و وێت ، دەوری دەرەوه!

ئــەر نــەچـڵــەکیـیــەره و ، نــەیوه رو بـە دین!
هەر بەش وریانی و گوڕ (غەریب)جەژین!!

ئیسماعیل رزائی (غەریب)

نمایش بیشتر

اسماعیل رضایی

استان کرمانشاه - شهرستان کرمانشاه شاعر و فعال دینی

نوشته های مشابه

دیدگاهتان را بنویسید

نشانی ایمیل شما منتشر نخواهد شد.

دکمه بازگشت به بالا