ادب،هنرمقالات کوردی

پر به دل ئاش بینه وه بو سالی نوی(شعر)

 عومەر کامووسی

بۆ دە‌بێ لێک تێنە‌گە‌ین، ئێمە‌ی مرۆ

وا لە‌گەڵ یێکتر بکە‌ین، فێڵ و درۆ

 

خۆ هەموون بۆ ماشە‌رێکین تار و پۆ

بۆ سە‌رێکین زار و لێو ، چاو و برۆ

 

پاشە‌کەوتی دایک و بابێکین، هە‌موو

لاگری خۆشبە‌ختی یێکین، لە‌کنە خۆ

 

با سەری ساڵێ بکەینە دەرفەتێک

بۆ بە خۆدا چوونە‌وە و گفت و گۆ

 

با لەگەڵ ژینگە و سروشت و گیانلە‌بەر

پڕ بە دڵ ئاش بینەوە بۆ ساڵی نۆ

 

گەشتی کێو و باڵندەی دەرێ

من دەپارێزن لە سەکتە و سێبەڕۆ

 

لا دەبەم باقەی لە سەر وێنجەی سەرم

با گەشەی بێ مێشکی‌میش وەک ژیلەمۆ

 

نامهەوێ ئاوی بە کۆخەی کۆخی یەخ

پر دەکەم گۆزەم لە ئاوی کانی جۆ

 

چای بە داران و بە کەتری لێدەنێم

شێوە حاجیلێک و دەسخۆر و فرۆ

 

ساز دەکەم چەند قاپی گڵ و کەچکی دار

نانی پر کەپەک، خۆش تام و بۆ

 

شەرتە نوشابە و کۆنە ماسی نەخۆم

وەک قەدیمیان دەچمەوە سەر ماست و دۆ

 

لەو وەتاغ و هاڵی بەستە خەستەمە

دەچمە سەربان و بلندان ، وەک هەڵۆ

 

دەتهەوێ بادار نەبی و دیسکت نەبێ

دوو لبادی بەرگن و بەرگیان پەڕۆ

 

گەر خەلک خورجێن لە خاریج پر دەکەن

(چەختی) تۆ، گۆشتی ڕەفیچکەی خۆت بخۆ

 

 

شیعر:

 

 عومەر کامووسی / پێشنوێژ و وتارخوێنی ئاوایی گەرگوولی خوارێ پیرانشار

برچسب ها

عمر کاموسی

@نویسنده و مترجم و شاعر @ آذزبایجان غربی - پیرانشهر @ شغل : امام جماعت و خطیب

نوشته های مشابه

پاسخی بگذارید

نشانی ایمیل شما منتشر نخواهد شد.

لطفا نظرات خود را با حروف کوردی یا فارسی تایپ کنید
نظرات حاوی مطلب توهین آمیز یا بی احترامی به اشخاص ، عقاید دیگران، و مغایر با قوانین کشور منتشر نمی شود
نظرات پس از تائید منتشر می شود
بستن