ادبیات

گوچان(شیعر)

گۆچان
کوتم: گۆچان بۆ وا خواری؟                 له کنه خۆ تۆ سه‌خته داری
]]]
خاوه‌نی گڕی و ده‌ماری                     چۆن داهاتی به ساکار ی؟
]]]
لاقیش ده‌بێ ڕاست و ڕه‌ق بێ             هه‌تا بۆ جێی په‌ست و زوق بێ
]]]
سه‌رو لاقی منیش وانه                       وه‌ک سه‌رو لاقی ئینسانه
]]]
چۆن ده‌مهه‌وێ خزمه‌تکار بم                ده‌بێ دایم نه‌وه‌ک سواربم
]]]
به ده‌ست پیرو کوێران وه‌بم                   تا نیشانده‌ری ڕێگه بم
]]]
چه‌کی شوان و ڕێبواران بم                   نه‌ک گۆپاڵی زۆرداران بم
]]]
چون کاریشم جۆراو جۆرن                  گرێ و ده‌ماریشم زۆرن
]]]
ده‌بێ پرد بم،پێ بم، چه‌ک بم                 پللارو که‌مه‌ندو جه‌ک بم
]]]
موعجیزه بم، هه‌ژدیها بم                     نسحه‌تکار بم جێی هیوا بم
]]]
ئاوێ له به‌ردی ووسوڵ که‌م                 ڕێگا له نێو ده‌ریای قوڵ که‌م
]]]
به کورتی له هه‌مو جێ هه‌م                له مه‌زراو له شارو دێ هه‌م
]]]
له ماڵ و له ته‌ویله‌مه                      کورسی و سینگ و کورسیله‌مه
]]]
هه‌،و کاره‌ی مه‌دره‌سه‌شم                 خه‌تکێش، کوته‌ک، ته‌خته‌ ڕه‌شم
]]]
ده‌بم به کاغه‌زو قه‌ڵه‌م                       بۆ ده‌عبایان ته‌پکه ‌و ته‌ڵه‌م
]]]
له ئاشپه‌زجانه‌که‌ی خۆشتم                 ڕه‌فحه‌و میزو کوتکی گۆشتم
]]]
له دیوی نانی بڕوانه                         پنه‌و وه‌ردێنه‌ شه‌ریانه
]]]
هه‌م ئاورم هه‌م کۆڵه‌وه‌ژی                      بۆ قاوه‌خانانیش ره‌ژی
]]]
قوتاڵه‌و سه‌له‌و سه‌وه‌مه                       وه‌روه‌ره‌مه ڕه‌و ره‌وه‌مه
]]]
هه‌م سه‌ربانم هه‌م نه‌ردیوان                 هه‌م شه‌قڵم هه‌م کۆڵی پێوان
]]]
ده‌بمه کاریته‌و کۆڵه‌که                        ده‌بمه لانک بۆ ڕۆڵه‌که
]]]
ده‌سکه‌ پێمه‌ره‌و شه‌نه‌مه                        بێڵ و شه‌وو دار هه‌نه‌مه
]]]
نیرو ئاموورو که‌ڵه‌وه‌م                          کۆت و ده‌مبێن و چه‌ڵه‌مه‌م
]]]
ده‌سکی داس و مه‌ڵه‌غانم                       ده‌نکی شه‌نه‌و درمه‌غانم
]]]
که‌لله‌ ی هێڵه‌گ و بێژینگم                     داژگیرو سه‌ره دو دینگم
]]]
یا به‌رم هه‌یه یان سێبه‌ر                       بۆ ڕێبوارو پاله و ڕه‌نجه‌ر
]]]
ئه‌وه‌ی بۆ سێبه‌رین به‌رزین                 ئی به ڕیش نه‌وی له عه‌رزین
]]]
یا لک بڵاو و ئاڵۆ زین                     وه‌ک گێلاس و گێوژ و گۆزین
]]]
هه‌تا ئاسن و سمیت نه‌بوو                      خه‌لک وا دمی قیت نه‌بو
]]]
تفه‌نگ و دار تێل بۆ خۆم بووم           داره مه‌یت و کێل بۆ خۆم بووم
]]]
هه‌م داشقه هه‌م حاره‌به بووم                هه‌م مه‌شکه‌و گه‌زو ڕبه بووم
]]]
به ڵام شتێک زۆر پێویسته                       نسحه‌تێکی که‌س نه‌بیسته
]]]
ده‌رسێکی گه‌لێک به که‌                      جێگای سرنجی گشت خه‌ڵکه
]]]
بۆ مامۆستا بۆ دایک و باب                  بۆ لاوو پیرو جێگای حیساب
]]]
ئه‌ویش شێوه‌ی چه‌مانه‌وه‌م                        بێ قه‌ڵشین، شکانه‌وه‌م
]]]
ئه‌و کاره کاری زانایه                               دار به نه‌زانی دانایه
]]]
له‌و ڕۆژه‌که‌وه که بڕیانم                         نه‌یانهێشت وه‌حه‌سێ گیانم
]]]
پێش له‌وه‌ی داڕتی پێستم                      له به‌ر تاویان هه‌ڵێخستم
]]]
هه‌تا ئاوی به‌ده‌نم مرد                         ته‌رکی خاک و وه‌ته‌نم کرد
]]]
ئه‌و جار ئاورێکیان کرده‌وه               سه‌رمیان لێ نیزیک کرده‌وه
]]]
به‌و ئاوره گه‌رم و نه‌رمیان کرد           هه‌تا وه‌ک مێوو چه‌رمیان کرد
]]]
ئه‌و جار به چوست و چالاکی                  تێم ڕۆهاتن وه‌ک که‌لاکی
]]]
ده‌ نێوان دوو دارانیان نام                    بایان دام و دایان هێنام
]]]
بۆ ئه‌وه‌ش نه‌بزووم له جێی خۆم            قڵفه‌یه‌کیان کرده ئه‌ستۆم
]]]
هه‌تا ئه‌و کاته رام ده‌بم                      گوێ له مست و غولام ده‌بم
]]]
ئه‌و قڵفه‌یه له ئه‌ستۆمه                   ئه‌ویش هه‌ر شولکه‌که‌ی خۆمه
]]]
جا ئه‌و جار ڕه‌قاوم ده‌که‌ن                  قڵفه‌م له ئه‌ستۆ لا ده‌به‌ن

***
به‌ڵی مامه‌ی گۆچان به ده‌ست         سه‌ری زمانی خۆت نه‌گه‌ست؟
]]]
ئه‌و گۆچانه بێ زمانه                          مه‌عنای زۆڕ قووڵه بیزانه
]]]
به‌ڵێ سوانه‌ی گۆچان له شان                جار جار ورد به‌وه له گۆچان
]]]
گۆ بۆ بگره به ئه‌سپایی                       هێنده له خۆت مه‌به به بایی
]]]
ده‌ڵێ ئه‌منیش وه‌ک تۆ لاو بووم         خاوه‌ن ده‌ست و لاق و چاو بووم
]]]
چاوه ڕوان بووم بچمه شارێ             ببمه ده‌رکه‌ی ماڵی یارێ
]]]
یا سه‌نده‌ڵی بن پادشا بم                       یا شکافێکی نه‌خشا بم
]]]
قه‌درم بگرن به ڕۆژو شه‌و               نازم بکێشن ئه‌م و ئه‌و
]]]
که‌چی ئه‌وڕۆ باش داهاتووم               چون هه‌ر ئه‌وه‌یه داهاتووم
]]]
ئه‌تۆش ڕۆژێک ئاوات لێ دێ             زۆر دوور نیه ئاگات لێ بێ
]]]
وه‌کوو منیش به کار نایه‌ی                 به‌ڵکوو سه‌رباری دنیایه‌ی
]]]
ئه‌وه بوو مه‌عنای خواری من            با تێی بگه‌ن دۆست و دوژمن
]]]
خواری من له به‌ر چاوانه               بۆیه نێوی من گۆچانه
]]]
خواری عاله‌مێش په‌نهانه                   وه‌کوو گوریسی هه‌مبانه
]]]
جه‌ختی به گۆچان ناوه‌ستی                 وا باشه گێره ڕاوه‌ستی
]]]
ئه‌و گۆچانه هێشتا ته‌ڕه                       بن به‌ڕه‌ی هێنا سه‌ر به‌ڕه
]]]
گه‌ر ئیشک بێ وای به حاڵمان          دێنێته گۆڕێ مسقاڵمان
]]]

۱۷/۰۷/۱۳۷۳
ڕه‌سوڵاوای میاندواو

ماموستا عومه ری کاموسی – پیرانشار

 

نمایش بیشتر

عمر کاموسی

@نویسنده و مترجم و شاعر @ آذزبایجان غربی - پیرانشهر @ شغل : امام جماعت و خطیب

نوشته های مشابه

‫9 نظر

دیدگاهتان را بنویسید

نشانی ایمیل شما منتشر نخواهد شد.

دکمه بازگشت به بالا